Iha loron 14 fulan-Fevereiru tinan 2025, wainhira remata tiha audiénsia, Papa Francisco hetan baixa iha Poliklínika Agostino Gemelli iha Roma “ba teste diagnóstiku nesesáriu sira no hodi kontinua tratamentu ba bronkite ne’ebé sei hala’o hela ospitál”. Husi teste nesesáriu sira ne’ebè hala’o, diagnóstiku, hatudu inísiu infesaun polimikrobiál ida hosi via respiratóriu ne’ebé presiza terapia farmakolojia adisionál.
Iha konferénsia imprensa loron 21 fulan-fevereiru nian, médiku sira, hafoin hato’o tiha ho detalle kuadru klínika nian, esplika katak internamentu sei dura ba tempu útil, to’o bainhira la presiza ona administra terapia sira iha ospital. Entretantu, Amu-Papa mantein umór di’ak ne’ebé distinge nia, ho ninia limitasaun saude nian ida nebe’e, Papa kontinua, serbi kreda hodi lee no asina dokumentu sira.
Husi mundu tomak, laloran afetu nian, to’o ba Santu Padre ne’ebé, hanesan fó sai iha komunikadu imprensa sira Santa Sé nian, “obrigadu ba vizinansa ne’ebé nia sente iha momentu ida-ne’e no husu, ho fuan agradesimentu, atu ita kontinua reza ba nia”.
Superiora Jerál Instituto Filhas de Maria Auxiliadora, Madre Chiara Cazzuola, hato’o mós ninia vizinansa ba Papa, haruka Karta ida hodi naran Filhas de Maria Auxiliadora sira hotu nian:
Papa Francisco doben liu,
Ha’u hakarak hateten ba Ita-boot, hodi ha’u-nia naran rasik no hodi Filha de Maria Auxiliadora ida-idak nia naran, katak ami besik nafatin Ita-boot ho ami-nia orasaun sira, iha momentu partikulár ida-ne’e.
Ida-ne’e prezente boot ida mai ita, ba komunidade edukativa sira, ba família sira no ba foin-sa’e barak ne’ebé ita hasoru, atu sente nia nu’udar Aman no Bibi-Atan ne’ebé nunka baruk atu kuda ksolok no esperansa iha família umana nia fuan.
Ho Oan-Feto sira nia konfiansa, ita husu ba Maria, ita-nia Inan no Tulun-Na’in, atu tau matan ba nia, fó nafatin apoiu ba nia no tulun nia atu rekupera nia saúde ho di’ak.
Ho konfiansa ida-ne’e no ho ha’u nia fuan tomak, ha’u hafoun ami vizinansa no ami nia afetu.
Iha komuñaun no gratidaun klean.
https://www.cgfmanet.org/infosfera/chiesa/le-fma-in-preghiera-per-papa-francesco/
