Kailako – Tanba iha Janeiro nia laran, komunidade Maria Romero, la biban halao Kampu Don Bosco ba foinsa’e sira, nune’e iha oras ne’e, depois de ezame, mak irmã sira ba iha eskola sira iha Cailaco laran, hanesan eskola EBC, Samutaben, Purugua, Biadila no ET vokasionál Lakaroli Cailaco. Bosco Camp hala’o husi 1312-15 Abril. Parsipantes iha eskola Samutaben 164, Purugua 154, Biadila 170 no ET vokasionál Lakalori 50. Iha kampu Bosco ne’e tema ne’ebe irmã sira lori hodi hatoo ba foinsa’e mak “Colle” (Don Boco wainhira sei iha Becchi) tuir mai ne’e, foinsa’e sira nia hanoin no komprensaun kona ba tema ne’e:
“Buat ne’ebe ohin ha’u aprende husi kampo ne’e kona ba Don Bosco mak serbisu makaas, tenke estuda, obedese ba apa ama no mestre sira, iha responsabilidade no hadomi Nain Feto. Ha’u mos hakarak hatoo don Bosco nia moris ne’e ba ema seluk liu husi: Oratorio, konta Don Bosco nia istoria moris nian ba kolega sira, no kanta nia-nia knananuk sira. Buat ne’ebe ha’u gosta liu mak Don Bosco nia mama dehan ba nia oan sira, “MAROMAK HAREE Ó” ne’e tulun ha’u atu labele bosok. Husi padre Calosso, don Bosco aprende halo metidasaun ne’e atu ha’u bele hakmatek ointuan hodi harohan ba Maromak” (Dircia Maria Ili).
Pasiensia hodi hein
“Liu husi Pasiensia hodi hein, mak ami foinsa’e sira hein ba buat ne’ebe ami presiza iha ami nia moris nu’udar sarani no sidadaun ne’ebe diak. Liu husi pasiensia ne’e tulun ami hasossu susar no terus be ami sei mosu iha mai nia moris. Liu husi pasensia mak foinsa’e ida bele too iha ksolok no moris rohan laek ho Maromak. Hanesan Nain Feto dehan ba Don Bosco “too nia tempo ó sei komprende”, nune’e mak foinsa’e sira tenki pasiensia iha oras ne’e atu ita bele too iha ksolok iha iha aban bain rua” (Abraão Aguido).
“Buka moris tuir Don Bosco, hatudu hahalok ne’ebe mak diak, hanesan Don Bosco respeita ema seluk, ajuda maluk sira. Aprende harohan, atu sai labarik ne’ebe diak. Tenki reza iha kalan atu toba no dader hader. Ami sei haka’as an atu ba misa iha domingo, reza ba ema moras no ema sarani sira be terus” (Americo Soares Martins).
(Komunidade Maria Romero-Kailako)
