Dili – Ita haksolok ho presenza meninas nain 6 nebe husi komunidade Sao Jose Noviciado (nain 2), Komunidade Laura Vicuna Laga (nain 3) no komunidade Sao Joao Bosco Balide (1). Meninas nain 6 halo “overnight” hodkalan iha Balide iha dia 19 de Fevereiro 2022. Orario loron neba nian hahu ho bemvinda no merenda iha oras 4.30. Hafoin Ir. Angelita halo inkontru ho sira hodi koalia konaba Maromak Nia planu domin nian ba ema no hilin vokasional. Nia mos fo perguntas ruma ba sira atu reflete no atu sharing. Sira moa halo esperiensia hodi reza vesperas hamutuk ho komunidade no grupu Liturjia prepara Rosario especial konaba vokasaun. Iha kalan Aspirantes no madre sira anima rekreio no taka ho Buona notte. Iha Domingo (20/02/2022) komunidade tomak ba misa iha Parokia tanba anima coro no liturgia iha oras 7am. Meninas orientasaun vokasional nain 6 “excited” tebes hodi hein Madre Alma, Provincial nia presenza tanba sira tenki koalia ho nia pesoalmene.
Depoisde halo inkontru pesoal ho Me. Alma, ami halibur hamutuk filafali ho Me. Alma no Sr. Angelita atu haree hamutuk oinsa sira nia orario ba esperiensia iha kada komunidade. Iha mos informasaun katak ba eleisaun presidencial ema bele halo eleisaun iha kualker fatin nebe sira horik ba. Nunee Me. Provincial husu ba sira atu hein informasaun ba sira idaidak bainhira mak bele ba halo esperiensia iha kada comunidade.
Atu taka inkontru Me. Alma komvida sira atu hakbesik an ba Maromak Nia liafuan loroloron. Husu ba sira atu lee evangelho kada Domingo hodi haree iha Calendario Salesiano nebe hakerek ona. Maromak Nia liafuan tulun sira atu deskobre Maromak Nia hakarak ba sira.
Sira nia inkontru too iha meudia deit. Nunee depoisde han meudia sira hotu fila ba idaidak nia uma. Agradese ba foinsae nain 6 nebe prontu atu koko Maromak Nia planu domin nian iha sira nia moris. Agradese ba Madre Esmeralda, Coordenadora ambito formasaun nebe prepara ona orasaun sira no material sira seluk. Mai ita reza ba foinsae sira nee atu sira bele aten brani nafatin no liuliu haksolok iha dalan ida ne’e.
(Maria Angelita Gomes FMA)
