Fatumaca, loron 15 fulan fevereiro tinan 2025, foinsa’e animadores sira halibur hamutuk 141, inkliu SDB no FMA, halao formasaun ba tinan ida ne’e ho tema: La’o hamutuk ho joven sira iha Cristo hodi transforma sosiedade esperansa nian no apresenta estreia Reitor Maior nian ho tema: Metin iha esperansa la’o hamutuk ho foinsa’e sira. Tema interresante rua ne’e iha motivasaun mutua ida katak: 1. Joven sai apostulo esperansa nian 2. Foinsa’e peregrinu fiar no esperansa nian 3. Cristo ancora joven peregrinu sira nian. Enkontru intensivu ne’e, ho objetivu prinsipal rua: 1. Tulun animadores sira atu hatene no moris tuir streia 2025 2. Tulun animadores sira atu sai apostulo esperansa nian.Orador iha enkontro ne’e mak Padre Antonio Guterres sdb. Animadores sira tuir enkontru ho entuziasmu hodi aprende buat foun ruma husi tema refere. Hodi reflete hamutuk tema furak ne’e, orador haklean liu tan tema hodi loke animador sira nia neon atu sai animador hirak ne’ebe hatene lori esperansa ba joven seluk. Orador hateten: Ita hotu tenki konsente katak Cristu mak ita nia ancora lolos. Basa Nia mak esperansa ne’e ninia hun. Nune’e ita nudar animador ita koko atu metin iha Cristo atu realiza lorloron knar simples sira nebe Nia rasik haraik mai ita. Hafoin animador sira hotu fahe sira nia esperensia konkretu misaun nian iha oratorio tuir perguntas hirak nebe orador prepara ona.
Ir. Agostinha Magno
