Dili – Husi loron 11-12 Janeiru iha enkontru ba Asesora FMA sira Infánsia/Adolexénsia Misionária iha Dili.
Molok hahú atividade sira iha tinan tomak Ámbitu Ad Gentes programa atu fó formasaun ba Asesora ho objetivu rua:
- Formasaun: Formasaun ida ne’e fó husi Me Gianna Spaggiare. Nia fahe oin sa IAM hahú no liuliu nia apresenta ukun fuan 10 IAM nian. No husu ba Assesora sira katak fó formasaun ba IAM keta ses husi sira nia ukun fuan. Labarik sira tenki klaru sira nia identidade. Aspetu rua ne’ebe Me Gianna sublina: Haklaken no karidade.
- Informasaun: Ir. Alexandrina, koordenadora Ámbitu Misaun, aprezenta ba Asesora sira Programa husi Ámbitu Ad Gentes ba tinan 2019. Formasaun ba IAM tinan ida ne’e sei bazeia ba tema husi Estreia Reitor Mor. “Ó mos bele sai santu”. Ámbitu prepara pamphlet ho santu Adolexente sira nia moris sei usa iha formasaun IAM durante tinan tomak. Hafoin taka ho Camping. Entrega mós ba sira pamphlet ba fulan Janeiro nian ne’ebe prontu ona. Hafoin aprezenta mós inisiativa sira ne’ebe propõen husi CARDEAL FERNANDO FILONI Prefeito da Congregação para a Evangelização dos Povos atu selebra do Mês Extraordinário Missionário.
Agradese mós ba Me Provinsiál nia lia fuan sira ne’ebe enkoraja Irmán sira atu hakle’an no prepara-an didi’ak atu bele fahe buat ne’ebe essensiál iha ita nia moris. Labarik ho sira nia idade hanesan ne’e, wainhira halo esperiénsia furak ida sei la haluha iha sira nia moris.
(Alexandrina Pinto)
