Iha loron 31-03-2025 Comunidade Divina Providencia hala’o formasaun ho madre Fabiola kona ba Talitha Kum.Talita Kum katak katak hamrik, (Jesus kaer labarik nia liman hodi dehan ba Nia “Talitha Kum” katak hamrik ba Mc. 5,41), Bainhira Jesus fo isin diak ba labarik feto ne’ebe moras dehan Noy Hamrik ba. Nune fo hanoin mai ita atu hamrik fali banhira monu ka iha difikuldade nia laran. Iha Talitha Kum ne’e koalia kona mos ba trafiku umanu. Trafiku umanu katak kontra direito umano, ema moris livre maibe ho trafiku ida ne’e afeta ba ema nia moris halo ema la livre tanba kontra ema nia direito. la halo ema livre katak kastigu, kesi metin ema, taka ema nia ibun no esplora ema nia moris ba buat ne’ebe la diak (faan ema ka halo buat ne’ebe la diak) ida ne’e akontese barak liu ba feto sira tanba dala barak feto fraku. Iha trafiku umano ne’e mos ema halo ho maneira halus fo osan ruma hodi habosok no bainhira ba oin mak sente ninia aat, tanba sira komesa baku, koalia lia forte, fo servisu la tuir tempu. Neneik ita deskobre katak buat ne’e la diak ba moris. Trafiku umanu ne’e mak asaun sira ne’ebe iha hanesan: Rekruta, lori, muda ka simu ho maneira obriga, bosok ho objetivo atu bele hetan ou manan buat ruma. Bainhira sira rekruta, sira fo kriteiru ne’ebe diak deit maibe bainhira ita tama ona ba laran hahu servisu, foufoun diak loos, neineik sira muda ita ba fatin ida ba fali fatin seluk atu ema la bele hare no hatene. Nune’e iha inkontru ida ne’e irman Fabiola hatutan tan ho esperiensia oioin ne’ebe real atu tulun foinsa’e sira katak trafiku umanu ne’e laos ideal deit maibe akontesimento real ne’e barak. Nune’e se bainhira imi hasoru hanesan ne’e tenke hatene no deskobre saida mak diak ba imi moris no hatene foti desisaun. No hatutan informasaun ne’e ba seluk ne’ebe karik hasoru trafiku umanu.
Irman Teresa de Carvalho, FMA
