Juniores FMA TIN
Lanu-mate, Liquiça 11Novembro 2023
Formasaun irman juniores sira ba tinan 2023 nian remata ho enkontru ida ne’e. Tamba ne’e ir. Alma hamutuk ho irman juniores sira realiza enkontru ida ne’e iha fatin refere Liquiça Lanu-mate. Enkontru hahu ho orasaun no halo meditasaun husi pasajen Evanjellu Jo 15, 1-7 nu’udar naroman atu halo ida-idak nia impeñu pessoal kona ba tema ne’ebé reflete iha tinan ida ne’e nia laran “Jeneratividade”. Sesaun daruak nian fahe irman sira ba grupu atu reflete no fahe hamutuk esperiensia sira kona ba “oinsa irman juniora ida sai jenerativa iha komunidade?”. Tuir mai ir. Alma fo tempu atu ami ida-idak bele avalia no sujere ideia sira ba formasaun sira ne’ebé realiza ona no ikus husu mos ami nia opiniaun ba topiku sira ne’ebé hakarak hakle’an ba tinan oin nian.
Husi fuan ami agradese ir. Alma Castagna Provinsial TIN ba irman nia dedikasaun no akompañamentu ba ami ida-idak nia kreximentu vokasionál iha moris Salesiana.
Grazie suor Alma!
