Dili – Ohin, 13 Dezembru 2022, mak loron ne’ebé nakonu ho gratidaun iha ha’u nia fuan ne’ebé dudu ha’u atu hasae hahi no agradese wain ba Maromak matenek hotu nia hun, ne’ebé haraik mai ha’u grasa moris nian, grasa vokasaun no oportunidade atu aprende no deskobre liu tan Maromak Nia Kmanek iha ha’u nia moris. Ha’u agradese ba Kongregasaun FMA liu-liu ba Ispetoria TIN ne’ebé fo oportunidade no suporta ona ha’u iha estudo ne’ebé halao ona durante tinan 4 iha Instituto São João de Brito (ISJB). Agradese mos ba ISJB liu-liu ba Reitor no Corpo Docentes sira, ba Staff sira no sira hotu ne’ebé halo servisu iha Institutu atu garante ami nia apredizajen lao ho diak.
Iha Judisium ba dala 4 Estudante Companheiros nian ne’e, nia Lema mak “Go forth and set the World on Fire”. Ami hamutuk 32 ne’ebé composto husi Departamento Educação Religiosa nain 3, Departamento Matemática nain 5, Depatamento Lingua Ingles nain 7 no Departamento Lingua Portuguesa nain 17. Ha’u mak ida husi sira ne’ebé iha Departamento Matemática ne’ebé sente orgulho tebes bele aprende iha ISJB. Fatin ne’ebé hakmatek ho nia fasilidade ne’ebé kompletu no aula ne’ebé lao diak tebes.
Mensagen sira ne’ebé ohin ami hetan husi discursu mak pratika pedogogia Inaciana, valor Inaciana C5; Consiencia, Comapaixão, Competência, Compromiço no ikus mak Comapanheiros (Tuir Pe. Luis Pereira, SJ. nia hanoin) katak sai nafatin companheiros iha mundo ohin loron ne’ebé nakonu ho fahe malu tan razaun oioin. Buka atu hari fali companheiros foun iha fatin foun ne’ebé imi ba. Jesus mak Sentru ba buat hotu. Educar para servir. Imi simu onaedukasaun iha ISJB, prontu atu ba servi hodi dezenvolve rai ida ne’e. Sai edukador katak sai martirio, servisu barak maibe la riku. Investimentu hotu halo ba ema laos ba sasan. Ne’e mak konsekuensia sai edukador ida.
Obrigada barak ba diak hotu ne’ebé ha’u simu. Husi Maromak, husi familia no husi ha’u nia kongregasaun liuliu Ispetoria no Komunidade Noviciado São José Komoro-Dili. Fatin iha ne’ebé ha’u hela ba tinan 4 nia laran hodi estuda. Agradese liuliu ba Irmán sira iha Komunidade no Novicia sira ne’ebé hela husi tinan 2019-2022, ne’ebé suporta ha’u iha presiza sira lorloron nian. Maromak mak selu imi diak hotu ne’e. Dala ida tan Obrigada barak. Susesu hotu ne’ebé ha’u hetan tamba ita boot sira nia sakrifisiu ne’ebé halo iha ha’u nia kotuk. Ha’u la hare maibe Maromak hare no sei rekompensa tuir nia tempo.
Obrigada barak
(Noemia de Deus, FMA)
