Giovanni Melchior Bosco
Aman no Mestre Foin-sa’e sira nian
31 Janeiru
Moris iha Becchi Italia 16 Agostu 1815. Oan husi Francisco Louis Bosco no Margarida Occhiena. Oan ikun husi maun nain rua Antonio no José. Joãzinho lakon aman bainhira sei tinan 2 nune’e mamá Margarida sai aman no inan dala ida atu tai matan ba oan sira no banin-feto. Hanorin oan sira kona-ba moris fiar nian liuliu Joãozinho atu hadomi no harohan beibeik ba Maria Virjen. Ho tinan 9 hetan mehi iha ne’ebé nia simu misaun atu tau matan ba foin-sa’e sira husi Jezús no Maria.
Iha Fevereiru 1827 Joãzinho sai husi uma ba sidade hela ho ema atu serbisu no estuda. Joãozinho nia hakarak mak ida de’it: sai Na’ilulik. Ho padre Cafasso nia tulun João kontinua nia estudu iha semináriu Chieri no sai Nailulik iha 5 Juñu 1841.
Iha loron 8 Dezembru liu tiha hasoru malu ho Bartolomeu Gareli foin-sa’e sira sai barak liután mai hasoru nia. Nune’e deside loke oratóriu, fatin atu halimar hamutuk no reza. Iha 9 Marsu 1858 Don Bosco ba hasoru Papa Pio IX atu harii kongregasaun Saleziana. Iha 18 Dezembru 1859 ho Don Bosco nia oan sira husi oratóriu na’in 18 deside hakarak hamutuk ho Don Bosco atu tau-matan ba foin-s’ae kiak sira iha sosiedade S. Francisco de Sales. Iha 1869 harii Assosiasaun Devotu Maria Auxiliadora ( ADMA), iha 5 Agostu 1872 hamutuk ho Santa Maria Domenica Mazzarello harii Institutu Filhas de Maria Auxiliadora (FMA) nian atu tau matan mós ba foin-sa’e feto sira nia edukasaun.
Don Bosco mate iha loron 31 Janeiru 1888 ho tinan 72. Iha 2 Juñu 1929 Papa Pio XI foti nia sai beatu. Iha 1 Abril 1934 sai santu. Papa S. João Paulo II foti nia nu’udar Aman no Mestre ba foin’sa’e sira.To’o ohin loron Família Saleziana hamutuk grupu 32 iha kontinente 5.
