Dili – Hodi selebra loron fundasaun Arte moris nian ne’ebé realiza iha loron 7 de Marsu , sira hala’o atividade oioin, nune’e konvida mos alunos sira husi eskola Saun Pedro, Saun Miguel, Nicolau Lobato no Eskola Maria Auxiliadora, atu hala’o kompetisaun kona ba pinta, atividade ne’e hala’o iha loron 07- Fevereiru- 2019, hahu tuku 12.00 too 16.30.
Molok atu hala’o kompetisaun director arte moris nian, hato’o ninia liafuan benvindu ba partisipante sira, hafoin hato’o objetivu husi kompetisaun ida ne’e mak atu promove estudante sira nia talentu kona ba arte, hanesan pinta, musical nian no seluk-seluk tan. No senhor dezafia estudante sira atu labele tauk promove talent ne’ebé Maromak fo on aba imi ida-idak, kontinua aprende nune’e iha future bele sai pintor ne’ebé iha kualidade no susesu. Hafoin senhor nia aprezentasaun aluno sira komesa kedas ho kompetisaun pinta, topiku kona ba dezeñu la determina, depende deit ba estudante sira nia kreatividade. Nune’e husi eskola Maria Auxiliadora Estudante nain 5 mak partisipa iha kompetisaun ida ne’e. wainhira kompetisaun remata, estudante M.A sira konsege lori klasifikasaun tolu. Primeira klasifikasaun, kuarta klasifikasaun no kinta klasifikasaun no pintor ne’ebé diak (terbaik) husi alunos Maria Auxiliadora, estudante mane ida ne’ebé ho naran Zezinho klase 7 ano, nia pinta kona ba ambiente sira iha arte moris nian. Tuir alin ne’e nia sentiment nia dehan katak, “ Ha’u kontente loos ho atividade ida ne’e , ne’ebé bele lori ha’u atu espresa ha’u nia talent pinta nian no parte seluk mak husi dezeñu sira ne’e ha’u bele aprende atu hadomi, tau matan no proteje meiu ambiente ne’ebé moos nafatin.
(Maria Sarmento Guterres)
