Dili- 16-19 Agostu ami hakle’an kona-ba orasaun. Ir. Angelita Gomes FMA, fahe ho ami reflesaun sira kona-ba orasaun tuir majistériu kreda nian, orasaun iha Testamentu Tuan no Testamentu Foun, iha artigu Konstituisaun 37-48, esperiénsia orasaun iha moris loro-loron, iha Don Bosco no Madre Mazzarello nia moris no métodu sira orasaun fuan nian no orasaun mentál nian.
Orasaun mak ko’alia ho Maromak ka diálogu, prezente ida grasa nian no Maromak mai hasoru ho ema.
Orasaun mak karakterístika espiritualidade komunidade sarani dahuluk nian. Kristaun konxiente iha Maromak nia kompania ba justisa no fraternidade nunka kole iha orasaun, husu forsa atu persevera to’o hari Ninia reinu iha mundu ne’e. Orasaun mak relasaun ho Maromak liuhusi Nia liafuan no Maromak Nia liafuan penetra ita nia moris.
Iha ita nia konstituisaun art. 38 dehan katak; ita nia orasaun hetan ninia espresaun iha movimentu ida de’it karidade nian ba Maromak no ba maluk sira. Katak ita nia relasaun ho Maromak tulun ita atu moris hamutuk ho maun alin sira. Ita ida-idak iha ita nia fuan iha saudades, deseju ida ne’ebé ita hakarak halo, atu ita la moris mesak. Fuan ne’ebé moris unian nafatin ho Maromak mak fuan ida ne’ebé buka fó ksolok de’it ba Nia, mak fuan ida ne’ebé nafatin iha diálogu ho Nia, konfia ba Nia 
segredu ne’ebé kle’an liu, entrega ba Nia ksolok no terus.
Ko’alia kona-ba orasaun iha Don Bosco no Madre Mazzarello sira nia moris, hanorin ita atu harohan ho karakterístika klaru hanesan orasaun ne’ebé simples no esensiál, konkretiza iha buat ki’ik sira,ksolok badak no kontinua.
Durante loron hirak ne’e ami hetan espasu barak atu halo esperiénsia orasaun no reflesaun liu husi Lectio no tersu espesiál ho inisiativa oi-oin ne’ebé tulun ami atu hamanas fali no hakle’an liutan ami nia moris orasaun nian.
Obrigada Ir Angelita!
(Irs Olviana-Josefa-Libanha)
