Citasaun iha leten mak tema ba Festa gratidaun Komunidade nian. Hahú husi loron 10-18/06/2025, loron ne’ebé Komunidade reza ho modu espesial hodi rekoñese virtude sira liu-liu virtude ksolok, domin, laran luak, rona, suporta, karidade, pasiensia no di’ak hotu ne’ebe Na’I hakonu iha komunidade liu husi prezensa Benfeitor, Menina, Antiga Aluna, Oratorianu, OPIAM, Kolaboradores, ADMA, Salesianu, Formadora, Irmán ida-idak no liu-liu madre Diretora madre Esmeralda Soares FMA, ba ninia animasaun nu’udar Inan no bin hodi pronto nafatin atu hatan ba nesesidade Komunidade nian.
Loron 19/06/2025, selebra Solenidade Corpo e Sangue de Cristo, loron especial ba Santa Kreda nomos loron kanonizasaun ba Santa Maria Troncatti, FMA. Iha okaziaun ne’e duni mak b Komunidade selebra festa gratidaun. Festa gratidaun ne’e sai solene liutan ho Santa Eukaristia ne’ebé preside husi Padre José de Sa, SDB. Iha Omelia Padre koalia konaba sentidu gratidaun nian liga ho Solenidade Corpo e Sangue de Cristo. Kristu hasa’e sakrifisiu nu’udar Nailulik ba Aman Maromak hanesan karan rohan laek nian, karan ne’ebé Kristu hasa’e dala ida de’it no ba nafatin.Ninia sakrifisiu ne’ebé Nia hasa’e liu husi terus, mate no moris hias. Kristu Ninia prezensa iha Na’I lulik sira, iha sira nia liman ne’ebé santifika ona liu husi ordenasaun. Nailulik sira mak reprezenta Kristu hodi kontinua santifika umanidade. Imi eskolla festa gratidaun nian iha loron ne’ebe furak hodi agradese Madre Diretora ne’ebe sai hanesan akompañadora maximu iha Komunidade.
Depois de Santa Misa kontinua ho konfraternizasaun no divertimentu. Mesajen ikus husi Madre Diretora, agradese ba Santissima Trindade ne’ebe halibur ita hamutuk iha Komunidade, ba maun alin Salezianu sira ne’ebe nafatin suporta iha vida spiritual no material, Menina, Kolaboradores, formadora no Irmán ida-idak ba unidade no kolaborasaun hodi servisu hamutuk iha ekipa liu husi fahe ksolok, espontaña nune’e harii komunãun entre ami husi buat ne’ebe simples halo sai furak, husi fuan ne’ebe nakonu ho agradesimentu ba diak hotu ne’ebe ita fahe hamutuk, Maromak rekompensa diak hotu ho Nia grasa no bensaun wain.
Dala ida tan “Hananu Hamutuk Magnifikat Esperansa nian hodi Agradese Na’I”
Ir. Honoria & Carolina
