Dili – Eskola Maria Auxiliadora mak eskola ida-ne’ebé foti naran husi NaiI Feto Auxiliadora katak Na’i Feto Maria ninia oan doben sira , no eskola ninia mahein, nune’e tama fulan Outubro grupo husi Infância Missionaria anima eskola tomak hodi hanoin rai missaun, hanoin kontinente sira ho ida-idak nia problema liu husi reza Terso no halo obras de karidade tuir kelas-kelas. Ne’ mak Tradisaun salesiana ne’e Dom Bosco hanorin hela ba foinsa’e labarik, familia atu kuda devosaun ba Na’I Feto sira sei haree saida mak milagre. Nó mós eskola MA, kaer tradisaun ida-ne’e nu’udar ninian rasik hodi habelar, haburas no ikus mai sai nu’udar eskola ninia Espiritualidade.
Dadersan dia 1 de Outubro 2016, Grupo Infância Missionaria anima eskola tomak hodi reza Tersu, kanta, hodi loke fulan Outubro hodi hanoin rai missaun no ninia dezafiu no mós ninia ksolok sira. Ho tempu hanesan sira mós motiva malu hodi sai labarik sira ne’ebé hatene hanoin ema seluk hodi halo esmola kiik husi sira merenda loroloron, nune’e kada chefe de turma simu kaixa kiik ida tau sira nia oferta durante fulan outubro tomak. Estudante sira hotu hatene ona tradisaun ida-ne’e, nune’e sira hotu fó maski buat ne’ebé kiik liu, tanba wainhira remata fulan Outubro sei loke hamutuk kaixa. No kaixa hus kelas ida-ne’ebé mak hetan oferta boot sira mak sai LIURAI FETO KA LIURAI MANA RAI MISSAUN NIAN. Grupo Infância Missionaria laos de’it reza terço maibé sira mós halo aktividades hanesan vista ema kiak, ema moras nssta..
(Erme Sliva)
