Loron 08 marsu 2025 inkontru ba irman perpetua sira, Iha enkontru ne’e partesipa husi irman nain 31 nebe presente no iha mos ir sira nbe halao online hanesan hanesan ir sira husi komunidade Beata Ma. Romero – Cailako, ir sira husi komunidade tolu Indonesia nian. Tema ba enkontru nee fahe ba parte rua:
Primeiru mak tau-matan ba an rasik no tau matan ba ema seluk, nebe apresenta husi ir Maria Angelita Gomes FMA. Tau matan ba an rasik, atu bele hatene mos lao hamutuk ho ema seluk iha misaun liu² iha komunidade laran ho irman sira nunee bele hari relasaun diak ho an rasik, ho ema seluk no ho Maromak, liu husi dalan oioin nebe bele halo iha iha moris lor-loron nian.
Segundo mak kapasidade komunikasaun nian, aprezenta husi ir Virgilia Marçal iha ne’ebe nia aprezenta pontu hirak ne’e: konseitu komunikasaun, objektivu komunikasaun, modelu komunikasaun, karakteristika komunikasaun ne’ebe efetivu, konsiderasaun iha komunikasaun, dalan sira ne’ebe bele bloka komunikassun no aprende atu komunika ho diak. Ita la bele hanoin deit ba komunikasaun dijital maibe komunikassun ne’ebe halao iha moris lor-loron nian, ho maneira oin-oin ne’ebe halo.
Iha mos perguntas balun, ba reflesaun pessoal, hafoin halo kondivisaun iha grupo;
- Ha’u hatene oinsá atu mantein ha’u nia ekilíbriu fíziku no mentál, hodi metin nafatin iha oras esensiál sira deskansa nian?
- Ha’u sente reasaun sira ne’ebé la konfortavel bainhira hasoru ho madre ida ne’ebé iha abilidade partikulár sira?
- Dala barak ha’u halo komparasaun ho komunidade sira seluk ne’ebé ha’u konsidera iha kapasidade liu?
- Ha’u buka rezultadu no aparénsia esterna iha inisiativa sira, hodi la konsidera irman seluk sira-nia forsa?
- Saida de’it mak difikulta iha komunikasaun ho maneira deskritivu?
- Ha’u komunika la ho konxiente ho maneiras balun ne’ebé maka bloka relasaun sira resiproka? Pontu hirak ne’e, bele akompanha FMA idaidak iha sira nia misaun loron-loron nian, importante mak iha nafatin spazio silensiu no hakmatek oituan atu konfronta-an ho perguntas hirak ne’e.
Hafoin de kondivisaun mak irman ida-idak koko atu halo impenhu pessoal bazeia ba perguntas rua ne’ebè husik hela:
- Hakerek hahalok nebe tau matan ba an rasik
- Hakerek hahalok nebe tau matan ba ema seluk.
Impenhu ida ne’e ema idaidak sei lori, atu entrega iha momentu orasaun nian.
Ikus liu depois de inkontru ami hetan visita surpreza ida husi Presidente da Republika Senhor Jose Ramos Horta ne’ebè atu ba akompanha Mgr. Marco Sprizzi ba aeroporto, maibe iha tempu oituan nune’e liu ba hodi koko kafe Mazzarello ne’ebè prepara husi menina sira.
Obrigada barak hotu.
Redasaun
