Loron 16 fulan-Fevereiru tinan 2025 selebra aniversáriu moris nian ba dala 142 Beata Maria Troncatti, Maria Auxiliadora nia Oan-Feto, misionária moris iha Córteno Golgi, iha provínsia Brescia, Itália iha loron 16 fulan-Fevereiru tinan 1883 no mate iha Sukúa, Ekuadór iha loron il 25 agosto 1969.
Loron balun hafoin abertura ofisiál Triéniu nian iha preparasaun ba aniversáriu ba dala 150 partida misionária dahuluk Filhas de Maria Auxiliadora – 25 Novembru 2024 – Santu Padre autoriza Dikastériu ba Kauza Santu sira nian atu promulga Dekretu kona-ba milagre ne’ebé atribui husi intersesaun Irmán Maria Troncatti nian. Superiora Jerál ho ninia Konsellu, durante sesaun plenária invernu nian, hahú reflesaun ida no atividade lubuk ida atu prepara ba eventu Kanonizasaun nian ne’ebe nu’udar prezente folin-boot ida ba Institutu, ba foin-sa’e sira, ba Kreda, ba mundu.
Iha loron 8 Janeiru iha Fátima, Portugál, iha ámbitu Verifikasaun Trienál Konferénsia Interinspektoriál CIME Europa no Médiu Oriente nian, Madre Chiara Cazzuola fó sai imajen no slogan ne’ebé sei akompaña viajen iha preparasaun ba Kanonizasaun Beata Maria Troncatti nian.
Iha Sirkulár korál, Madre no Konselleira sira, kona-ba propositu trieniu nian ba preparasaun tinan 150 aniversáriu primeira partida misionária FMA nian, subliña: «Slogan ne’ebé hili ona, To’o ona tempu atu halakan fali ahi, kompromete ita atu halakan hikas fali hamutuk, hodi deskobre fila fali paixaun misionária propriu ba ema ida-idak ne’ebé hetan batizmu ne’ebe inkarna forte husi irman Maria Troncatti: inan, misionaria, artezana dame no rekonsiliasaun nian», projeta mai ita nu’udar «komunidade misionária ne’ebe lao sai » atu haklaken ba ema hotu «don santidade nian ho oin misionária» (Circ. 1045).
Tanba razaun ida-ne’e, hahú husi slogan, Komisaun Litúrjika Espírituál Istórika, ne’ebé harii hodi haree kona ba Kanonizasaun, elabora ona itineráriu ida atu konhese di’ak liután Beata nia figura, ninia mensajen no ninia relevánsia. Kada fulan sei propoin vídeo ida no skeda aprofondimentu no reflesaun ida kona-ba tematika espesífiku ida.
https://www.youtube.com/watch?v=RE8a8M1XfKk&t=10s
Iha etapa dahuluk itineráriu ida-ne’e nian buka atu hatán ba pergunta sira: Sé mak Irmán Maria Troncatti? nia mai hosi ne’ebé? Oinsá no iha ne’ebé maka forma personalidade futuru inan, Misionária, Artezana da Paz no Rekonsiliasaun?
Iha okaziaun komemorasaun nia moris nian, propoin vídeo dahuluk ida ne’ebé halibur imajen sira hosi Corteno Golgi (Brescia), sidade iha Val Camonica ne’ebé nia moris, hodi rekoñese tinan 21 dahuluk sira nia moris nian, koñese nia família, istória hosi nia vokasaun no difikuldade balun ne’ebé nia tenke hasoru.
oferese mós kartaun ida ho versíkulu ida husi Sagrada Eskritura, pasajen ida husi irmán Maria nia biografia, pergunta ruma ba reflesaun, orasaun ida no karta ida ba família.
Etapa espesiál ida hosi viajen ida-ne’e sei iha 5o Kinta-feira Auxilium nian, ne’ebé sei hala’o iha loron 6 fulan-marsu tinan 2025. Iha enkontru online ida-ne’e, Madre Yvonne Reungoat, Superiora jerál emérita, –durante nia governasaun Irmán Troncatti hetan deklarasaun nu’udar Venerável (8 Novembru 2008) no Beata (2012) sei aprezenta “ irman Maria Troncatti, artizana pas no rekonsilisaun nian”.
Etapa sira tuirmai hosi itineráriu – ne’ebé sei propoin kada loron 25 fulan-fulan hahú husi fulan-marsu, hodi komemora data moris nian ba lalehan no memória litúrjika Beata Irmán Maria Troncatti nian – sei aprezenta entrevista sira ho sasin sira ne’ebé diretamente ka indiretamente koñese no esperimenta maternidade hosi “Madrecita diak” no kura sira isin no klamar nian husi misionaria no dotora, “ impenhu ba promosaun Shuar nian no ba konvivénsia pasífika ho kolonizadór sira hosi artezana dame no rekonsiliasaun nian.
Materiál ne’e oferese atu deklina, habelar no adapta ba kontestu sira atu promove koñesimentu kona-ba figura Irmán Maria Troncatti nian iha komunidade edukativa sira, entre foin-sa’e sira, iha Kreda lokál no iha territóriu ne’ebé nia pertense ba.
https://www.fmatin.org/wpn/?wpdmcategory=santidade-iha-fam-lia-saleziana
Tradusaun husi sito instituto https://www.cgfmanet.org/
