RV – Hodi fó sekuénsia ba siklu reflesaun nian kona-ba esperansa sarani, Papa Francisco iha kuarta 28 2016, iha ninia katekeze ikus ba 2016. Papa Francisco konsentra ninia katekeze iha Abraão nia fiar, ezemplu ne’ebé hatudu dalan ida fiar no esperansa nian.
Abraão firme iha esperansa kontra esperansa hotu, Amu-Papa fó hanoin hodi sita S. Paulo nia liafuan sira. Maski la iha esperansa, tanba nia katuas ona no ninia feen estéril, nia fiar iha Maromak nia Liafuan, ne’ebé promete oan ida. Nune’e, Abraão tau an iha dalan no loke an ba esperansa, hodi fiar iha imposivel, hodi hakat liu sabedouria no prudénsia iha mundu.
“Esperansa loke orizonte foun, halo nia iha kbiit atu mehi buat ne’ebé labele nein atu imajina. Esperansa halo ita tama iha naukun futuru inseru ida atu la’o iha naroman. Virtude esperansa virtude furak; nia fó kbiit wain atu la’o iha moris”.
Papa Francisco rekoñese katak ne’e dalan difisil ida; la’ós fasil ba Abraão atu abandona buat hotu, haree tempu liu no la oan ne’ebé la ami. Abraão la lakon pasiénsia, Amu-Papa dehan, maibé lamenta ho Maromak, no ne’e forma ida mós atuharohan. Patriarka esperimenta nakukun deziluzaun nian, lakon korajen nian, sente nia an mesak, maibé maski ida-ne’e hotu, nnia kontinua fiar iha Maromak hodi hein katak buat ruma bele akontese.
“Fiar la’ós de’it silénsiu ne’ebé aseita hodi la hatán hikas, esperansa la’ós serteza ne’ebé tau ó nia an dook husi dúvida no perplexidade. Dalabarak, esperansa la’ós nakukun, maibé iha ne’ebá, esperansa lori ó bá oin”.
Papa Francisco nota katak que Abraão, bainhira dirije ba Maromak, la husu oan-mane ida, maibé husu atu Maromak tulun nian kontinua hein. “Ne’e mak fiar, ne’e mak dalan esperansa nian ne’ebé ita ida-idak tenke la’o tuir (…) Esperansa la dezilude”.
