Iha loron 12-13/03/2025, loraik tuku 6:30 ekipa INDMO mai iha Centru Formasaun Sekretariadu Computer & Costura Beata Madalena Fuiloro.
Objetivu husi vizita ne’e atu Sensibiliza Informasaun kona ba Kualifikasaun Unidade Kompetensia sira ne’ebe uza hodi hanorin Formanda sira. Nune’e ekipa INDMO sira mai hodi fahe informasaun kona ba kualifikasaun iha aula Komputador ba Irmán nain (7) no formadora nain (3).
Molok fahe informasaun Madre Koordenadora Ir. Esmeralda Soares, FMA fo introdusaun badak konaba atividade hotu ne’ebe hala’o iha Centru formasaun durante fulan hirak ne’e nia laran. Nia hato’o mos agradesementu ba INDMO ne’ebe nafatin fo atensaun ba formadora sira ne’ebe servisu direitamente ho foinsa’e sira iha Centru Formasaun.
Sr.Fortunato Assunção, sublinha katak : INDMO sei prontu nafatin atu fo apoiu ba Centru akreditasaun sira iha Timor laran tomak, hodi suporta nafatin iha atividade hotu ne’ebè relasiona ho unidade kompetensia. Liu-liu iha relasaun ho formasaun ba foinsa’e sira iha kada Centru formasaun. Hodi fornese informasaun kona ba unidade kompetensia ho nia versaun sira no prosesu fornesementu ba formasaun hodi fasilita ba best pratika unidade kompetensia sira iha prosesu formasaun nian.
Kualifikasaun sira ne’ebè nia sita mak:
- Kualifikasaun husi Nivel I-V ne’ebe rejista iha INDMO hamutuk 84
- Skill set ka sertifikadu Nasional ka sertifikadu kompetensia (12)
- Kursu fundasaun 79
Informasaun ba kualifikasaun sira mak presiza iha:
- Titulu, kodigu no deskrisaun kualifikasaun
- Oras ba kualifikasaun
- Unidade sira iha kualifiksaun ida nian
- Unidade geral (lingua, literasia, Numerasia, bele aplika ba materia jeral)
- Unidade funsional (saida mak bele suporta hau iha servisu administrasaun, Ospitalidade, Hotel liga ho SSP)
- Unidade tekniku (unidade eletivu)
- Mekanismu hili unidade sira.
Depois de formasaun remata entrega dokumentu kualifikasaun no padraun kompetensia sira ba madre Koordenadora. Hafoin ikus liu taka ho foto hamutuk.
Professora Aticia & Ir. Honoria, FMA
