Dili – Ho laran haksolok ami komunidade Divina Provvidenza horisek loraik 6 Dezembru, tuku 16:00. Ami simu Ir. Maria Brigída de Sousa FMA ne’ebé akompaña husi madre provinsiál. Ami komunidade hamutuk ho menina sira oituan deit ne’ebé reprezenta tanba seluk ba feriadu iha uma, maske nune’e ami haksolok atu simu madre iha ami nia le’et.
Depoizde múzika bemvinda nian, ami lori madre ba kapela atu halo orasaun no iha kalan ami simu madre ho solene oituan. Dala ida tan ami agradese Na’i ba madre, ne’ebé mai sai nu’udar inan no bin ba ami hotu ne’ebé hela iha komunidade ida ne’e. Ami agradese Na’i dala ida tan madre nia aten brani hodi hatan “sim” ho domin ba Maromak no ba misaun ne’ebé Na’i entrega ba madre, ami mos agradese ba madre nia disponibilidade hodi hatan ba konvite ida ne’e atu sai inan hanesan Maria, edukadora, no akompañadora ba ami iha komunidade ida ne’e. Dala ida tan obrigada barak no bemvinda madre.
(Domingas Pereira FMA)
