Kapítulu Jerál mak momentu forte ida atu kompartilla identidade no misaun karismátika Institutu “Filhas de Maria Auxiliadora” nian. Buat ne’ebé sei selebra iha 2021 mak Kapítulu Jerál da-24 iha Institutu FMA nia istória no Madre Jerál mak Susesora da-9 Madre Mazzarello nian.
Partisipante sira Kapítulu nian mak testemuña dalan karizmátiku FMA na’in 11.535 ne’ebé, iha estilu Sistema Preventivu Don Bosco nian, kompromete an ho misaun edukativa, komunikativa, evanjelizadora iha mundu tomak.
Husi 31 Dezembru 2020, FMA sira prezente iha Nasaun 97 no fahe iha Kontinenten sira hanesan tuirmai ne’e: iha nasaun 26 Áfrika nian iha FMA na’in 628, iha nasaun 23 Amérika nian iha FMA na’in 3.366, iha nasaun 22 Ázia iha FMA na’in 2.886, iha nasaun 22 Europa iha FMA na’in 4.597, iha nasaun 4 Oseania iha Irmán 58.
FMA iha mundu espresa karizma salezianu nia vitalidade no espansaun.
Memória ida ne’ebé halo istória
‘Filhas de Maria Auxiliadora’, konsagrada ba Maromak atu serví Jezús Kristu iha komunidade, dedika moris ba Edukasaun umana, kristán no saleziana foin-sa’e sira-nian. Don Bosco hili ba sira Maria, Auxiliadora, ne’ebé hatene enkarna no moris pedagojia kuidadu nian, ne’ebé konkretiza ninia paixaun edukativa ba foin-sa’e sira no halo sira sai feto ne’ebé hamoris vida iha fuan kontemporaneidade nian.
Iha 5 Agostu 1872, Madre Mazzarello ho grupu dahuluk feto-raan na’in sanu-resin-ida hateten “Sim”, hanesan Maria, atu sai tulun-na’in ho no iha foin-sa’e sira nia leet.
Iha 1877, FMA sira to’o iha Uruguai no depois iha Argentina. Husi loron ne’e, Institutu habelar an ba beibeik iha Itália, iha Europa no iha na Amérika.
Iha 1879 ‘Casa-Mãe’ hetan transferénsia ba Nizza Monferrato (Asti), iha-ne’ebé Institutu loke Eskola Normál dahuluk ba formasaun profesora sira-nian no esperimenta entuziazmu misionáriu maka’as no aumentu vokasaun sira-nian nakonu ho promesa.
Husi 1891 FMA sira prezente iha Ázia, husi 1893 iha Áfrika no husi desde 1954 iha Austrália.
Misaun ne’ebé hala’o iha pluralidade ambiente edukativu nian nakloke ma multikulturalidade no ba inter-relijiozidade, ho atensaun partikulár ba menina sira, adolexente sira no feto sira.
Institutu FMA nian sura ho Asosiasaun Mundiál Eis-aluna/u sira ‘Filhas de Maria Auxiliadora’, ne’ebé halo parte Família Saleziana desde 1988. Iha 1990, assume ofisialmente denominasaun Confederação Mundial das/dos Ex-Alunas /os das Filhas de Maria Auxiliadora.
Misaun Karizmátika
Dimensaun misionária mak elementu esensiál identidade Institutu’ Filhas de Maria Auxiliadora’ nian (Konst. FMA 75) no espresa an, iha Kontemporaneidade, iha hilin Edukomunikasaun nian atu moris Sistema Preventivu, iha roman vizaun antropolójika kristán, nu’udar Maromak nia bolun no fidelidade ba karizma salezianu iha estilu Da mihi animas cetera tolle no A te le affido (kf. Atos CG XXIII, n° 66,4).
Ho kbiit husi karizma salezianu ho trasu espesífiku “espíritu Mornese nian”, FMA sira iha nu’udar finalidade nia misaun nian kreximentu integrál ema sira nian, akompañamentu foin-sa’e sira-nian iha dalan maturasaun projetu mori snian, edukasaun feto nian, formasaun fiar nian no edukasaun ba sidadania ativa, ba gratuidade no ba solidariedade, iha Don Bosco nia estilu Sistema Preventivu nian.
Entre FMA nia obra sira iha: Oratóriu-Sentru Juveníl, Eskola no Sentru Formasaun Profissionál, Instituisaun sira Ensinu Superiór nian, obra ba labarik sira, adolexente sira, foin-sa’e sira iha situasaun risku nian, Sentru Espiritualidade nian, Sentru Promosaun Feto nian, Asosiasaun ‘Voluntariado Internacional Mulher Educação Desenvolvimento’ (VIDES), Eskritóriu ‘Direitos Humanos’ (IIMA – Suíça).
Obra sira-ne’e Komunidade Edukativa sira mak anima ho kbiit husi laran-manas da mihi animas cetera tolle no “A te le affido”, ho sensibilidade feminina, ho inspirasaun husi karizma Institutu nian nakloke ba kolaborasaun ho família sira, ho Instituisaun sira, ho leigu/a sira ne’ebé partilla ho sira misaun hanesan. Iha sintonia ho foin-sa’e sira nia fuan, sira disponivel atu rona nune’e dixerne “fatin sira seluk” atu moris lójika evanjélika don no fraternidade nian; sira husik sira-nia an hetan interpelasaun husi periferia umana sira hotu, ho atensaun partikulár ba foin-sa’e sira-nia situasaun; ba mobilidade umana, ba kuidadu uma komún, ba ambiente dijitál sira, ba babukak dame ne’ebé justu no seguru.
Komunidade Edukativa sira ho knesan/oin barak, “ho fundamentu iha Kristu moris-hi’as nia prezensa no habosu an iha Nia, Liafuan no Paun” (FMA Konst., 49), moris misaun kompartillada katak partisipasaun iha karizma hanesan nu’udar don Espíritu Santu nian ba prezene no ba futuru iha ne’ebé leigu no foin-sa’e sira Família Saleziana sai parte “ativa konxiente no responsavel Kreda nia misaun nian” (Exortação apostólica pós-sinodal Christifideles Laici, 1988, 3).
