Joven husi sentru formasaun Kostura, Bakery no TOT simu sertifikadu

Dili – Iha loron 27 Dezembru 2019, Joven sira ne  ҆ebé halo formasaun iha sentru tolu, Bakery iha sira sanulu (10), Kostura iha Tolu (3) no Tot iha Sanulu resin rua (12), ne’ebé remata ona sira nia treinamentu ne  ҆ebé sira halo durante tinan ida. Iha sorumutu ida ne  ҆e marka mós prezensa husi Madre Provinsiál Me. Alma Castagna no mós Me. Carmen Ramós ekónoma inspetoria nian.

Molok atu hahu ceremonia badak ida ne  ҆e hahu ho orasaun, depois liafuan badak husi Me. Alma ba Joven sira hodi dehan : Parabéns ba imi, hare fali ba Don Bosco nia moris, wainhira nia sei foin-sa’e no hakarak  kontinua nia estudu nia ba buka servisu iha sidade Turino, iha ne’eba nia kost iha ema nia kost no aprende saida de’it, hanesan sapateiru, suku (kostureiru) tuku besi no aprende servisu oi-oin. Tanba nia komprende katak ema nia abilidade mai husi ema nia liman wainhira ema halo buat ruma, fó dignidade ba ninia-an, la’ós lolo liman atu hein ema nia tulun, maibé ema rasik haka’as- buka oinsa bele suporta nia moris. Tanne’e wainhira nia komesa oratóriu, nia hahu kedas atu hanoin servisu ruma ba nia foin-sa’e sira. La’ós estuda de’it, iha tempu ida ne’eba Padre sira mós la’ós tur de’it maibé sira tenke aprende servisu ruma atu bele hanorin fali. Ha’u dehan buat tanba imi liu faze hotu liu husi eskola tinan tolu pelumenus kursu, tinan ida ne’e tinan ida imi koko atu mesak halao buat ne’ebé imi aprende iha eskola, seguru katak iha anju de guarda ruma iha imi nia kotuk atu tulun imi. Husi 1 Janeiru ida-idak nia liman seil lori nia moris rasik. Laiha ona ema ruma husi kotuk atu dehan agora mak ne’e- saida mak ne’e loron ruma tan imi rasik tenke hatudu buat ne’e. la’ós de’it manu arte maibé mós valor sira. Buat ne’ebé ami hein, balu hakarak ba estuda. Di’ak, imi hanoin didi’ak, iha momentu ida ne’e iha Timor iha dezempregadu barak sira ne’ebé sai husi universitario, ida ne’e ida-idak nia hilin. Buat ne’ebé importante iha ne’ebé imi sei moris, imi lori atitude sira ne’ebé iha ne’e imi hare ou imi haka’as-an. Ohin iha orasaun temi “Onestu”, imi hotu atu ba estuda ka servisu uluk nanain imi hatudu imi nia kapasidade atu hari’i buat ruma didi’ak nomós imi nia kapasidade atu nafatin moris nu’udar ema “Onestu”. Ema ne’ebé labuka bele dehan korta dalan maibé halo nia dalan abilidade ho lia-loos. Ha’u hein tinan ida ne’e tulun imi ne’ebé remata agora, tulun imi atu moris hanesan ne’e no imi hatene fatin ida ne’e, wainhira imi ba buat hetan buat ruma ksolok ka susar imi bele mai fahe iha ne’e, tanba iha ne’e iha ema ruma ne’ebé hein imi. Hakarak fila mai atu konta istoria hanesan ne’e “silakan”. Hakarak mós atu dehan kona ba antigos/as alunos/as, atu konvida imi sekarik, hakarak tama iha asosiasaun foti kontaktu ka bolu Madre sira atu bele kontinua espíritu Don Bosco no Madre Mazzarello nian. Atu bele lori nafatin iha kualker fatin ne’ebé imi ba buat ne’be imi hare iha sira. Obrigada barak ba tinan ida ne’e ba imi nia prezensa, imi simu maibé ami mós simu husi imi nia prezensa, ksolok, dedikasaun tanba hare katak servisu ne’ebé husu ba imi la’ós halimar, maibé imi halao didi’ak. Nune’e ha’u agradese imi, liu-liu ba formador sira ne’ebé ho pasiensia no kapasidade tomak fahe buat ne’ebé sira bele atu imi mós aumenta imi nia koῆesimentu. Obrigada.

Entre sira ne’ebé simu sertifikadu, Nicolao Leopoldino Magno mak reprezenta sira atu hato’o lia fuan agradese nian. Nia dehan: “Lori kolega sira hotu nia naran, hakarak agradese ba Madre sira ne’ebé iha hanoin di’ak hodi hari’i fatin ida ne’e atu forma jovem sira nia moris iha futuru. Ami haksolok iha fatin ida ne’e ne’ebé kria ona memória barak iha ami nia moris. Liu husi fatin ne’e ami bele koῆese di’ak liután kona ba mundu servisu nian no hanorin mós ami atu sai maduru liután iha futuru. Obrigada barak ba Madre sira no formador/a sira ne’ebé fó ona imi nia domin, tempu, pasiénsia, dedikasaun, sakrifísiu no di’ak hotu ne’ebé ami simu durante ne,e. Dala ida tan obrigadu barak.

Hafoin sira mós espresa sira nia sentimentu gratidaun nian liu husi dansa no kanta, ikus sira han meio-dia hamutuk ho Madre no formadora sira.

(Domingas da Silva FMA)