Kampu Biblia-Istória Ézodu
Baucau, 7 de outobro 2023-10-07
Sr. Onesiana, FMA
Ohin irmán sira Salesiana St. Teresa d’Ávila-Baucau realiza Kampu Biblia hamutuk ho estudante SMP no SMA katólika ESSA-Baucau iha eskola Teulale ho Tema “la’o tuir Moises nia ain fatin”. Iha kampu ida ne’e partisipante sira haklean kona ba povu Israel nia esperiensia iha Eziptu ne’ebé serbisu nu’udar atan ba liurai Faraun maibé hahu ho orasaun, hafoin kontinua ho reflesaun. Nune’e Maromak hili no haruka Moises ba misaun ida ne’e, atu gia no sai matadalan ba povu Israel hodi fila ba rai prometida. Maske La’os fasil atu gia maibé hamutuk ho Maromak buat hotu bele de’it tan Maromak iha kbiit no la’o uluk iha oin. No kada grupu haklean Moises nia esperiensia ho Maromak hahu husi nia vokasaun to’o terra prometida, hafoin sharing iha ida-idak nia grupu. No kontinua ho peregrinasaun husi etapa 1 to’o 8 no kada etapa ida-idak halo drama kona ba esperiensia Moises nian ho Maromak no hasoru Faraun. Maske ho tempu oitoan maibé partisipante sira kontente, bele komprende no hatene Moises nia esperiensia ho Maromak. No kada personajen ne’ebé eziste iha Biblia, hanorin buat barak ba foinsa’e sira no bele imita tuir ka bele hadi’a sira nia moris sai di’ak liu tan iha futuru. Tan Moises rasik hanorin; ba foinsa’e sira oinsa atu sai lider ne’ebé di’ak no haraik-an, la deskorajen, simples, brani no laran metin iha Maromak nia grasa katak hamutuk ho Maromak buat hotu bele de’it.
