Iha loron 13 fulan-juñu tinan 2025, Konsistóriu Públiku Ordináriu, ne’ebé prezide husi Santu Padre Leão XIV, estabelese ona data sira ba ritu Kanonizasaun nian ba Beatu sira Na’in ualu, inklui mos Irmán Maria Troncatti (1883-1969), Filha de Maria Auxiliadora, misionária iha Ekuadór.
Irmán Maria Troncatti sei kanoniza iha loron Domingu, 19 Outubru 2025.
Ho ksolok boot, Superiora Jerál Institutu Filhas de Maria Auxiliadora, Madre Chiara Cazzuola, ho irmán sira Konsellu Jerál nian, simu notísia ne’ebé hein kleur ona no anunsia ba Filhas de Maria Auxiliadora tomak ho liafuan sira tuir mai ne’e:
“Irmán doben sira, ha’u hato’o ba imi ho ksolok no hamutuk ho imi ha’u agradese Na’i ba obra boot sira ne’ebé Nia halo iha Kreda no iha istória ita-nia Institutu nian, ho intervensaun direta Maria Auxiliadora nian.Ha’u konvensidu katak kanonizasaun iminente Irmán Maria Troncatti nian mak grasa estraordinária ida ba Maria Auxiliadora nia Oan-Feto sira hotu, bolun ida atu hafoun ita-nia an, kontinua ho korajen no ksolok . Dalan Santidade nian ne’ebé ohin loron Maromak husu ita atu banati tuir.”
Iha mensajen nia foka ba karakterístika balun ninia santidade nian: “Definisaun ne’ebé rezume buat hotu iha liafuan badak deit mak konserteza, kona-ba Maria Auxiliadora nia Oan-Feto ne’ebe haksolok no fiél, tanba ne’e mak, Inan!Iha Nia, emerje momoos dimensaun materna nian, ne’ebé jenera moris ne’ebe abundánte ne’ebe haleu nia no hetan ninia fonte iha intimidade klean ho Na’i”.
Madre remata hodi entrega “ita-nia misaun ba Maria, Kreda nia Inan no Misionária dahuluk, hodi konxiénte katak, hanesan ba ita-nia Fundadór sira no ba Irmán Maria Troncatti, Nia mak gia ita, tulun ita, loke nafatin ita-nia matan ba realidade foun sira ho fuan misionáriu no profétiku, fuan ne’ebé riku ho umanidade, kompaixaun, esperansa nian”.
Haree ba akontesimentu boot ida-ne’e, kria lema ofisiál ida ho imajen Beata nian, ne’ebé lakleur tan sei sai Santa, akompaña ho lema: “Madre, Misionária, Artezana da Paz e da Reconciliação”.
Bele asesu iha sito sira tuir mai ne’e:
https://www.youtube.com/watch?v=rAWPERCPEHw&t=9s
( link ba video mensajen Madre Jeral nian)
https://drive.google.com/drive/u/0/folders/1aJZfqeF9Mz6okk1GdU_–JbOW5D1J9mQ
( Link atu asesu ba testu husi Madre nia mensajen)
https://drive.google.com/drive/u/0/folders/1NNe7OjGogZOnLbwDfhQP9YxEwk7rG2lT
(Link ba selebrasaun agradesementu ba Kanonizasaun ba Madre Trocatti)
Fonte: cgfmanet.org
