Baucau, Iha 28-12-2022, irmán sira komunidade St. Teresa d’Ávila Baucau hamutuk ho komunidade edukativa sira halo projetu komunidade nian, ne’ebé sei realiza ba tinan 2023 bazeia ba programasaun Inspetoria TIN nian. Projetu ida ne’e hahu ho orasaun no fahe reflesaun badak bazeia ba leitura ne’ebé ko’alia kona ba moris hamutuk nian, oinsa atu tau hamutuk ida-idak nia rikusoin maske ami laiha rikusoin material maibé ami iha de’it rikusoin sira hanesan; abilidade, matenek , talentus, kapasidade, ideia no seluk tan, hodi kolabora hamutuk atu serbí labarik no foinsa’e sira iha ami nia misaun komunidade nian. Projetu ida ne’e iha nia nukleu 3; prezensa ne’ebé hatene rona, prezensa ne’ebé hatene la’o hamutuk (sinodalidade) no prezensa missionaria. Haksolok no agradese tanba ema ida-idak iha hakarak atu fo buat ne’ebé di’ak ba labarik, foinsa’e no família sira liu husi atividade sira ne’ebé planu hela atu realiza iha misaun, maske simples maibé buka atu sai fermentu ne’ebé di’ak iha moris no misaun. Hafoin taka ho merenda hamutuk hodi hametin ami nia espíritu família nu’udar Família Salesiana ne’ebé fo liman ba malu atu serbí Kreda liu husi Institutu nia misaun.
(Onesiana da Costa FMA)
