Cailaco – Iha tinan ida ne’e festa Me. Maria Romero sai úniku ba ami komunidade Cailaco tanba iha komunidade ne’ebé hamahan –an ho protesaun Me. Maria Romero Menezes selebra tinan 10 nia ezisténsia iha fatin ida ne’e.
Maria Romero moris iha 13/2/ 1902 iha Granada, Nicaragua. Nia papá naran Felix Romero Arana no nia mamá naran Ana Meneses Blandon. Familia ne’ebé riku halo Maria moris ho haksolok hamutuk ho nia maun alin 13. Ho tinan 12, Maria tama iha eskola madre salesiana sira nian. Nia falta bei-beik tan nia hetan moras nune’e nia tenki hela nafatin iha kama no nia mora sai sériu ne’ebé bele fo kauza ba nia moris. Maski doutor dehan katak nia fuan la diak, nia la ko’alia buat ida; ho hamnasa midar nia reza deit, nia tau nia konfiansa iha kbiit Nain feto nian. Iha okazaun ida, nia belun sira husi eskola ne’ebé dala barak ba vizita nia, rona nia hateten, nu’udar roman espiritual nian”Hau hatene inan Virjen Santa sei kura hau”.
Prezente domin evanjélika ne’ebé fo la ho kolen ba ema kiak sira ne’ebé la iha orientasaun, sira ne’ebé ema hatun no hamoe, sira ne’ebé laiha solusaun ba sira nia difikuldade sira, familia sira ne’ebé iha problema, sira ne’ebé mes-mesak, kiak, moras tan ema seluk halo aat ba sira nia moris, Madre Maria mak konsolasaun lor-loron nian, gasta oras ba oras atu simu, rona, konsola, no fo orientasaun. Nia fuan belun nian ne’ebé reflete Nai nia laran diak. Madre Maria mak intermédia ne’ebé konvida ema seluk atu fila ba Maria Inan Santa. Nia belun sira ne’ebé kiak sente diak no hetan aten brani foun.
Madre Maria mate derepente iha loron 7 fulan Jullu tinan 1977, wainhira obediensia husu ba nia atu deskansa oituan, prova katak ne’e mak dalan ba deskansa rohan laek nian, atu kontempla ninia Liurai nia oin ne’ebé nabilan, no ninia Liurai feto nia domin boot.
Hodi selebra festa Me. Rmero nia hamutuk ho komunidade edukativa ami prepara jogus oioin durante semana rua hodi anima foinsa’e labarik no sarani sira.
Hodi selebra festa Me. Rmero nia hamutuk ho komunidade edukativa ami prepara jogus oi-oin durante semana rua hodi anima foinsa’e labarik no sarani sira.
Iha sabadu, dia 7 ami selebra Madre Romero nia festa ho Santa Missa ne’ebé prezide husi amu Norberto. Ho festa Me. Romero nia iha mos kaben nain par 4 ne’ebe simu sakramentu Kaben, Primeira Komuñaun no batizmu/sarani. Iha nia omilia nia agradese tebes ba Me. Jeral no Me. Provinsial ne’ebé ho laran luak hatan ba nesesidade kreda nian, hodi husik irman sira mai iha Kailako. Nia agradese mos irman pioneira sira ne’ebé hahu komunidade liu-liu ba irman Izaura ne’ebé marka mos prezensa hamutuk ho irman Onoria, Saleziana primeira Cailaco nian.
Iha loraik iha jogus oioin hanesan sa’e bua, halai ho karon, halai ho berlindos no jogus ne’ebé úniku liu mak ADMA ho Jovem sira tebe bola uza lipa. Depois de jogos iha atraksi hafoin han hamutuk no taka ho tebe no dahur too tuku 8:30. Festa lao ho diak tanba hetan kolaborasaun makas husi komunidade edukativa.
(Albina do Carmo)
