Venilale – Iha festa Sagrada Familia Nazaré nian, iha komunidade Maria Auxiliadora Venilale selebra festa ida neʼe hamutuk ho familia sira. (ami irman sira nia familia)
Aktividade neʼebé halao iha festa ida neʼe mak tuir mai:
- Misa iha parokia Venilale, selebrante padre Antonio Guterres. Padre nia omilia iha misa nia hahu ho pergunta ida ʺtanbasa ita selebra festa sagrada familia? Ema ida idak bele hatan tuir ninia esperiensia maibe padre dehan: iha razaun simples 3 neʼebé ita selebra festa ida neʼe.
- selebra Maromak nia domin, tamba Maromak hadomi tebes ita Nia inkarna An iha Jesus neebe mai moris husi familia ida ( São José, Maria Virgen no Jesus ) ne̛ebé hanaran familia Nazaré.
- Ita selebra moris: ita bele moris la bele existe se la iha domin, nuneʼe mos familia la bele existe se la iha domin.
- Momento ita nia halibur hamutuk mak momento ksolok atu selebra domin neʼebé Maromak fo liu husi ita nia familia maski ho difikuldade oinoin maibé ho sira nia gerosidade fo sira nia oan ba Maromak liu kongregasaun salesiana.
- Almoço hamutuk
- Kada famiilia aprezenta kanta no dansa hodi komprimenta malu, iha mos jogu soe pergunta ba familia ida idak atu hatan, kona ba data importante sira Virjen Maria nian neebe santa kreda selebra.
Liu husi festa familia nian ida neʼe sai oprtunidade diak atu ami bele kuiñese irman ida idak nia familia, fahe ksolok hamutuk no momento diak atu koalia ho idak idak nia familia. Tempu hanesan sai momemtu fomativu ba ami ida-idak atu hametin liutan ami nia kompromisu vokasaun nian no ba familia sira atu hakbiit liutan sira nia domin no responsabilidade ba oan sira. Sagrada Familia de Nazaré fo bensa ba familia sira hotu.
Sr. Domingas da Silva
