Komunidade tolu hamutuk hodi selebra Solenidade São Jose nian iha loron 19 Marsu 2021 iha Gymn Komunidade Eusebia.
Dili – Komunidade FMA sira iha Comoro Dili hamutuk ho menina sira, selebra festa São José nian hodi kumprimenta Me. Alma FMA-Provinsial liu husi drama kriativu kona ba S. José nia moris, poezia no kanta, maibe’ antes halo uluk jogu kona-ba Jezus nia jerasaun.
Kona-ba omenajen, komunidade Divina Provvidenza aprezenta ho lia-portugés kona-ba S. José nia virtude sira; komunidade Eusebia halo entrevista ba Santu sira hanesan Teresa d’Ávila, Francisco de Sales, Don Bosco, Madre Mazzarello no Eusebia Palomino kona-ba sira-nia devosaun ba S. José; komunidade Novisiadu apreznta drama baeia ba Evanjellu no Patris Corde no poezia.
Depoizde teatru, iha liafuan badak husi Me. Alma kona ba S. José nu’udar buona notte ba Irman no menina sira. Madre haktuir katak: S. José hanesan mane baibain maibe Maromak husu ba nia atu eduka Nia Oan nune’e imi bele hanoin José nu’udar ema umana ida iha uma laran nia hateke ba labarik ne’e, oinsa nia hanoin no sentimentu sira? Tanba Jezus mak Maromak Nia Oan la’os nia oan. Oinsa nia sai disponivel ba responsabilidade ida ne’e. No iha filme ida, haktuir momentu ida Jezus nakar uitoan no Jose lakon pasensia pasa fila Nia, hafoin film nia kontinuasaun José kontinua dehan; hm… hau basa fila Maromak, hau halo hanesan ne’e ho Maromak. Atu dehan oinsa Maromak konfia liu iha ema sira, Nia entrega ba mane ida, mane baibain tan Maria bele dehan nia sala laiha maibe Jose la’e. No Maromak hakarake ma baibain ida mak taumatan ba Maria no Nia Oan Jezus. Tan ne’e se ita hakarak husu grasa ida ba José, husu ba no nu’udar mensajen ba foinsa’e sira Madre dehan; foisa’e sira husu ba atu imi bele sai feto ne’ebe loos no di’ak. No Madre Alma konvida mos Madre sira atu aprende husi S. José oinsa eduka, ita tenke husu ba José, tanba nia iha esperiensia nu’udar ema baibain maibe ho Maromak Nia Oan. Hanesan ohin ita haree iha treatru sira, katak Jezus obedese no halo pasu ida atu simu hodi obedese ba ema baibain maske Nia mak Maromak. No ba José nia parte simu atu eduka Maromak Nia Oan, halo Nia sai boot, hanorin Nia serbisu no iha povu Israel nia hanorin mos atu hakerek no lee. No ohin ho festa importante ida ne’e, mai ita agradese S. José husi nia mak Jezus soi ita tanba iha aman ida tulun Nia atu sai boot to’o tinan tolu-nulu resin, to’o iha Krus no Moris Hias.
Ami taka atividade ne’e ho orasaun hodi fo onra ba S. José no novena ba Maria Auxiliadora.
(Onesiana FMA)
