KREXIMENTU UNIDADADE VOKASIONAL NO VOTU POBREZA.
Dili, 20/7/2023.
Domingas no Fatima
Kontinua formasaun ho Madre Olga Belo FMA no madre Lanny Ganda. Hahu dia 11-20.
Unidade vokasional
Koalia kona ba unidade vokasinal primeiru ami halo lectio kona ba Marta no Maria iha Evanjelu (Lc, 10,38-42)
hodi hare ba sira nia grasa unidade nian hodi serbi no rona Na’i.Hodi hare mos kresimemtu iha unidade vokasional tuir don Pascual Chàvez Sdb nia hanoin mak identifika dinamismu oin-oin ne’ebè tulun iha unidade vokasional ninia dezenvolvimentu .Resposta ida ne’ebè hetan iha salezianu nian mak “grasa unidade nian”.Nune’e termu ne’ebè Don Egidio Veganò uza, hodi fó sai experiésia ne’ebé Don Bosco no Madre Mazzarello moris tuir mak uniaun ne’ebé labele haketak entre sai ema ne’ebé totalmente konsagra ba Maromak no ho tempu hanesan totalmente dedika ba foinsae sira, iha misaun Maromak nian (Espiritualidade) apostuladu (misaun) no moris fraterna (komunidade) mak dimensaun tolu ne’ebé labele haketak malu, ne’e dehan katak unidade vokasional niania elementu importante mak atu haburas iha espiritu tolu ne’e. No mos hare kona ba Artigu sira Konstituisaun nian husi 1-7. Ami haklean mos kona ba karakteristika sira no identidade FMA nian, hare mos exeplu husi Ir. Emilia Mosca nia moris oinsa nia moris, tulun ami hodi reflete husi Jezus nia liafuan sira kona ba unidade vokasional, husi konstituisaun,sai hanesan bukae ba ami nia moris iha komunidade no misaun oinsa sai unidade,pasensia hodi serbi Na’i ho ksolok. No ikus ami halo ami nia biografia kona ba ami nia vokasaun hahu to momemtu ida ne’e.
Votu pobreza
Ho Madre Lanny iha dia 16 dader ami pratika moris pobreza hodi ba visita ema kiak sira, no reza hamutuk ho sira. Iha loron tuir mai ami reflekte kona ba Jesus nia pobreza ne’ebé la haketak an husi kastidade no obediensia, liu -liu Hare kona ba Jezus nia pobreza sentidu bibliku nian mak Ninia saran-An total ba Aman nia projetu, hodi serbi total. No hare mos ba konstituisaun husi Art. 18-28 ne’ebè koalia kona ba pobreza, no ikus ami reflekte mos dokumentu sira kreda no Institutu nian kona ba moris pobreza nian. dokumentu hirak ne’e mak : Lome, projetu formativu, Don Bosco no Madre Mazzarello sira nia hanorin kona-ba ba moris pobreza
nian. Tulun ami hodi reflete oinsa moris ba oin Laos atu dekor deit maibe buka atu moris ho fuan libre no la kesi-an ba riku soin mundu nian .
