Iha Cassa-Ainaro, hahu husi loron 23-24, Junho 2022, Comunidade Madre Rosetta Marchese – Cassa, hala’o Campo Mornese. Partisipante sira mak jovens no Oratoriano sira, hahu husi estudante sira 50 ano ba leten partisipante sira hamutuk limanulo/50. Aktividade hotu hala’o iha Igreja S. Jose Cassa. Husi loron 23 loraik hahu ho Bem-vindo no lia makloke husi ir. Sebastiana, hafoin fahe ba grupu no halo animasaun, depois de animasaun ami kontinua kedas, reza terço no Vesperas dahuluk solenidade Sagrado Coração de Jesus, iha parte Magnificat no preces nian, haleu Api unggung ne’ebe prepara iha liur. Rema tiha, kontinua han kalan hamutuk iha komunidade hafoin hare filme Me. Mazzarello no remata ho orasaun kalan nian.
Iha loron 24 Junu, Solenidade Sagrado Coração de Jesus, hahu loron hodi reza Laudes hamutuk iha igreja. Iha loron daruak ne’e mak hahu ho itenerario Madre Mazzarello nian hahu husi tuku 8.00-12.30. Iha itenerario ne’e fahe ba fatin neen (6) : Mazzarelli, Paroquia, Valponasca, Colegio, Roverno no Nizza Monferato. Kada grupu haklean itinerario ne’ebe fahe tiha ona, liu husi lee, esplika, sharing no hasae’é agradesimento, hafoin grupu ida-ida ba visita fatin sira, atividade ne’e tulun oratoriano sira bele koñese no hatene liutan Madre Mazzarelo.
Foinsa’e no pre-adolexente sira entusiasmo tebes hodi partisipa iha Campo Mornese, tanba sira bele koñese no hatene Madre Mazzarello nia moris. Loraik grupu ida-ida prepara an ba festa ho sira nia kretividade hanesan cheer, Poezia, kanta no animasaun atu bele partisipa iha festa Mornese ida ne’e ho ksolok. Foinsa’e ida naran Criderzidade fahe oituan nia esperensia katak: agradese tanba iha Campo Monese ne,e hau bele aprende buat barak kona ba Madre Mazzarello no aktividade oi-oin ne’ebe Madre sira oferese hanesa: Api unggung, reza, dansa hamutuk no momentu hare filme Madre Mazzarelo hodi koñese nia diak liu tan. Nia hatutan: agradese tebes ba Madre FMA sira nia prezensa iha ami nia rai Cassa. Husi parte irman sira nian, maski ho kondisaun fatin la dun favorese maibe hakas-an atu prepara didiak uma ne’ebe’ irman sira hela ba, atu labarik no foinsa’e sira bele hetan fatin diak hodi hala’o aktividade kampo Mornese ba 150 anos Instituto nian, ho ksolok salesiana. Hafoin ho momentu “Festa Mornese”, depoizde festa hamutuk, padre Jonas mai selebra missa solenidade Sagrado Coração de Jesus, iha selebrasaun Eucaristia ne’e amu selebrante mak Pe. Jonas, saserdote Canossiano, iha nia homilia dehan: “Cristo mate iha krus tanba domin, domin ne’ebe la iha kondisaun tanba Cristo hatudu mai ita Nia domin los. Tan ne’e Maromak husu ita atu hadomi no fo perdua ba ema seluk”.
Nudar comunidade agradese tebes tanba bele realiza Campo Mornese ne’e ho diak.
(Com. Madre Marchese, Cassa)
