RV – Papa Francisco iha kuarta 8 Abríl, kontinua siklu kateekze nian kona-ba família, depoizde reflesaun iha semana kotuk kona-ba Triduu Paskál iha Semana Santa nia laran. Nia kontinua ko’ali akona-ba labarik sira, maibé iha perspetiva triste nian: realidade rejeisaun abandonu nian, labarik sira ne’ebé nunka iha infánsia no ninia futuru ne’ebé na’ok tih ahusi sira.
Realidade triste sira-ne’e, Papa fó hanoin baibain ita rona ho iafuan sira hanesan halo sala atu tau iha mundu labarik ida, atitude ida ne’ebé hamoe an de’it. “Ita keta tau ita-nia salan ba labarik sira, halo favór! Labarik sira nunka erru ida”.
Tuir Papa Francisco, labarik sira nia hamaha, falta eskola ba sira barak, sira-nia pobreza no frajilidade mak motivu atu hadomi sira ho laran-luak liután. Nia hateten katak labarik ida-idak ne’ebé ema soe mak hakilar ida ne’ebé sae ba Maromak no akuza sistema ida ne’ebé adultu sira harii. Maski iha nasaun riku sira, dalabarak labarik sira moris iha situasaun difisil tanba krize família nian, ho mamuk edukativu no kondisaun sira moris nian ne’ebé dalabarak la umanu.
“Iha kazu sira-ne’e hotu, infánsia sira hetan violasaun ih aisin no klamar. Maibé laiha sira ida ne’ebé Aman iha lalehan haluha!Sira-nia matan-been ida la lakon leet de’it! Nune’e mós labele lakon ita-nia responsabilidade, responsabilidade sosiál ema ida-idak nian, ita ida-idak no nasaun sira”.
Amu-Papa destaka tan katak, dalabarak, labarik sira sofre konsekuénsia moris ida bazeia ba serbisu prekáriu no sura tenke selu presu ba “uniaun imatura sira” no “separasaun iresponsavel sira”.
Iha problema sira ne’ebé labarik barak sofre ni aleet, Kreda tau ninia maternidade atu serví sira no sira-nia família sira, Papa Francisco dehan. Nia konvida sarani sira atu hanoin oinsá sosiedade ida sei sai se bazeia nia an iha prinsípiu ne’e: “Loos duni katak ita ema imperfeitu no ita halo salan barak. Maibé bainhira ko’alia kona-ba labarik sira ne’ebé mai iha mundu, sakrifísiu naran de’it adultu sira nian la’ós ezajeradu se ho ne’e la iha tan labarik ida ne’ebé sente erru ida eh lahó valór”.
Soseidade ida nune’e, tuir Papa Francisco, sei sai furak no nia erru barak sei hetan perdua.
