ADMA KOMUNIDADE BALIDE
IHA LORON 26/3/22, HO KSOLOK BOOT OHIN Me. Alma halo enkontru ho ADMA sira no estrutura ADMA nian. Madre Alma ko’alia konaba ADMA sira nia knaar iha sira nia asosiasaun mak hakle’an imi nia devosaun ba Nain Feto no promove devosaun ba ne’e ba feto maluk sira. Ikona Kana nian mak sai hanesan modelu ba ADMA sira atu sai matan moris liutan hodi hare realidade foinsa’e no labarik sira, liu-liu sira ne’ebé presiza ADMA sira nia tulun. Matan moris ida ne’e uluk nanain iha família laran no sira nia maluk sira. Tan ne’e ho ksolok boot reprezentante husi ADMA Sr. Domingos, hato’o agradese ba Madre Alma dehan: obrigado ba Madre nia liafuan sira ne’ebé kontinua hafanun ami no halakan ami nia ahi oan no haroman ami nia dalan atu kontinua sai laran manas hodi hamoris ami nia asosiasaun.
ORATORIO DON BOSCO BALIDE
Ohin loron 27/3/22, Ho fuan nakonu ho domin, ami foinsa’e, animador/a no oratorianu sira haksolok tebes hodi simu Me. Alma, ne’ebé ho domin boot nu’udar inan hodi mai vizita & hare ami nia realidade oratorio nian. Tan ne’e hamutuk nu’udar oratorianu sira ho ksolok boot hodi simu Me. Alma. Iha Madre nia mensajen ba animador/a, foinsa’e no oratorianu sira hotu katak iha dansa 150 anos nian ne’ebé imi hotu kanta no dansa, hatudu, Irmán sira nia laran manas ba misaun no imi nia laran manas hodi saran-an nafatin hodi mai iha fatin ida ne’e, no iha Madre husu oratorianu sira atu konvida tan kolega sira atu mai oratoriu iha ne’e, tanba iha fatin ida ne’e imi deskobre buat di’ak barak ba imi nia future no imi balun ne’ebé sei sai Madre hodi anima fali ho ksolok foinsa’e no labarik sira seluk. Depois de madre nia mensajen badak oratorianu no animador sira hatudu atraksi.
(Komunidade Balide)
