Momentu agradesimentu nian ba vizita kanonika Madre provincial iha komunidade Maria Auxiliadora Venilale
Iha madre Alma nia vizita iha ami nia komunidade, mak prezensa inan no gia ne’ebé kontinua hakbi’it ami nia vokasaun no misaun liuliu aspetu karismatiku ho menina no candidata sira tuir ita nia metódo espesifiku Sistema Preventivu. Nu’udar inan, madre ho nia laran manas no disponibilidade lao ba hare’e komunidade nia misaun ka obra sira ne’ebé irman ida-idak assume nu’udar ami nia responsabilidade ba bolun Maromak nian iha karisma salesiana. Fatin no obra sira ne’ebé madre lao ba vizita mak :
Sentro oratorio são Cristovao-Uaibua
Madre nia mensagen ba oratoriano sira mak:
Madre haforsa liutan amo papa nia mensagen Quaresma nian “imi keta kole atu halo diak nafatin “ iha fatin hotu ne’ebé haleu imi : uma, eskola no fatin oratorio nian. Iha oratorio buka kuinese liutan Don Bosco liu husi aktividade sira no katekeze ne’ebé irman no animador sira oferese tanba liu husi Don Bosco sei lori ita ba Jesus.
Orfanato são Domingos Savio:
Madre nia vizita ba orfaun sira nia dehan: Ho imi labarik sira nia prezensa ne’ebé barak iha diversidade husu imi ida-idak atu halo imi nia fuan sai bo’ot, nune’e imi bele simu malu hodi moris hamutuk, no tulun malu atu haburas talentu ne’ebé imi ida-idak iha ba imi nia formasaun nu’udar labarik.Hau agradese imi ida-idak tanba ho imi nia prezensa tulun irman sira ne’ebe tau matan ba imi lor-loron hatasak liutan sira nia domin ba Maromak iha vokasaun saleziana.
OPIAM iha Venilale :
Nu’udar misionaria madre nia vizita ba labarik OPIAM sira hatudu madre nia laran manas misionaria hodi enkoraja sira atu fo sasin kona Jesus iha sira nia moris lor-loron nian liu liu atu labarik sira seluk rekonese jesus nia prezensa liu husi OPIAM sira nia sasin.
Nukleo komunidade edukativa:
Iha enkontro ho nukleo komunidade edukativa madre aprezenta tema kapitulu Jeral 24 nian “imi halo tuir buat neebe Nia haruka”, interpela ami nuudar komunidade no kolaborador sira atu lao hamutuk hodi serbi misaun Instituto nian iha kreda no lao iha aspetu sinodadlidade nian.
Iha komunidade madre hasoru mos grupo sira komunidade nian hanesan kandidata sira (pre-aspirante, aspirante), kolaboradores komunidade nian no nukleo komunidade edukativa.
Iha Quinta loraik nu’udar komunidade ami irman sira, kandidata sira, labarik orfaun sira no kolaboradora sira agradese ba madre nia vizita durante semana ida hamutuk ho ami. Ho madre nia prezensa iha ami leet ami hakarak agradese ba madre nia domin nu’udar inan, bin no gia ba ami ida-dak liu husi madre nia disponibilidade hodi rona ami iha momento koloquio nian, madre nia sabedoria hodi gia ami iha enkontro komunidade no iha boa noite sira. Nu’udar ami nia gratidaun ba madre ami lori madre ba asiste drama ida “Mornese uluk
(1872) no Mornese agora nian”. Iha Sexta dader ami hamutuk agradese ba Maromak ba grasa oioin ne’ebé simu liu husi santa Eukaristia. Ho fuan oan nian ami agradese madre nia vizita iha ami nia komunidade.
(Domingas FMA)
