Venilale – Loron 13 Fevereiru loron ne’ebe komemora Me. Mazzarello nia memoria, ami husi komunidade MA halo lansamentu ba asosiasaun sira ba tinan 2018 nian ne’ebe halo iha salaun orfanato São Domingos Savio nian. Asosiasaun sira neé mak : ADB, ADS, MM, AJA, LAURA VICUŇA, INFANSIA MISSONARIA NO ARKANJU SIRA .
Membru sira asosiasaun nian mai husi orfanato no mos husi liur. Irman sira no formande sira mak animadora ba grupu sira. Sira hotu halibur hamutuk ho kontente hodi halo aktividade sira, ne’ebe uluk knanain hahu ho orasaun ne’ebe diriji husi Aspirante sira, e depois apresenta grupu ida-idak ne’ebe hatan ho yel-yel ne’ebe esprime sira nia lema . Ezemplu: wainhira bolu Grupu Laura Vicuña, sira nia yel-yel mak, ‘’terus nonok haksolok nafatin yes…yes..yes“. Madre Cecilia , iha nia liafuan abertura nian konvida no enkoraja membru sira asosiasaun nian atu halo empeñu hodi moris tuir sira nia kompromisu lima ne’ebe hahu ho letra H : Hatene, Hadomi, Halo tuir, Harohan no ikus mai Halo promesa. Tuir mai kada grupu apresenta nia drama, kantu no dansa ho kreatividade, entusiasmu no ksolok ne’ebe iha relasaun ho santu no santa nia moris . Ho ida ne’e , sira hahu atu hatene sira nia padruieru nia moris no nia virtude sira no sai sira nia modelu iha moris lor-loron nian. No ikus liu mak merenda hamutuk no fahe malu.
(Domingas Pereira)
