Dili – Ohin loron 23-10-2021, halo lansamentu livriñu ba labarik: istoria ilustrasaun, fiksaun no edukativu ba labarik iha Tetun HUSI KNUA BONEKA TETUN/KNUA KRIATIVU iha “gymn” eskola Maria Auxiliadora-Comoro.
Livru ne’e hakerek, dezenvolve no ilustra husi Jhonnie Borges ne’ebe hetan apoiu husi Fundasaun Neon Metin(FNM). Vice Edukasaun Sr. Antonio Guterres rasik mak hala’o Lansamentu ba livro ne’e hamutuk ho Reitor UNPAZ Dr. Adolmando Soares Amaral no Eng. José Menezes Costa, MfoodTech, partisipante husi mestre balun, Irmán Salesiana no reprezentante labarik estudante husi eskola Maria Auxiliadora no eskola São Miguel. Lansamentu ba livro ne’e halo estudantes sira haksolok tebes tanba bele hetan livro ne’e ho kualidade di’ak maske simples maibé nakonu ho mensajen ne’ebe di’ak no bele aprende valor sira husi livro ne’e hanesan; solidariedade, dame, hatene respeita tempu, domin…no tulun labarik sira iha kapasidade atu le’e barak no hatene di’ak liután Tetun.
