Semana santa mak semana lulik iha ne’ebé kreda husu mai ita atu medita no kontempla Jezus nia paixaun no moris hias. Nune’e komunidade Saun.Jose halo Lectio divina ba semana santa, ne’ebé akompaña husi Irmán Angelita. Nu’udar preparasaun espiritualmente ba semana santa. Lectio ne’e hahu ho reza salmo 121 hafoin, irmán no novicia sira ba visita Terra Santa ho fatin sira ne’ebé Jezus liu durante semana santa, liu husi virtual. 
Maromak nia Liafuan ne’ebé medita husi Evanjelu S.João(13, 21-33.36-38), ne’ebé koalia kona ba Jezus nia han kalan ikus nian ho apostulo sira no Judas nia traisaun. Iha moris konsagrada dala barak mós bele nega no trai Jezus liu husi votu sira. Nune’e liu husi lectio ida ne’e tulun ami hakas-an atu hafoun ami nia domin ba Jezus. Hanesan Papa Francisco nia mensajem iha loron mundial ba konsagrada sira nian dehan “Ita nia konsagradu mak sinal prezensa Maromak nian iha mundo ohin loron. Ema hare ita hare Maromak”.
Orasaun hotu tiha fahe ba grupo rua hodi sharing ba perguntas ne’ebé prepara ona. Durante sharing irman no novicia sira fahe buat ne’ebé mak ema ida-idak esperiensia, hodi halo empeñu ida katak atu tuir Kristu presiza hafoun an nafatin liu husi sinceridade ho an rasik no ho Maromak. Se ita iha relasaun metin ho Maromak buat hotu sei lao diak. Liu-liu buka atu fiel ba Maromak liu husi orasaun.
Ikus nian, irmán no novicia sira fahe paun no tua ba malu nu’udar simbolo komunaun entre irman iha komunidade hodi banati tuir Kristu Nia komuñaun ho nia apostolu sira iha han kalan ikus nian.
Sr. Adelia,FMA
