Lectio Divina komunidade Beata Madalena Morano Fuiloro, ba festa gratidaun mundial
Fuiloro, loron 28/03/2025, hala’o lectio divina ba festa gratidaun mundial ,ho intensaun atu mundo tomak hametin liutan tali uniaun nian liu husi Orasaun kada semana ho intensaun oi-oin liga ho situasaun Mundu no Institutu nian. Tan ne’e Komunidade Beata Maddalena Morano Fuiloro, Irmán hamutuk ho menina Asrama sira realiza lectio Divina ne’ebé prepara husi Institutu. Iha Lectio Divina ne’ebé riku tebes ho Maromak nia liafuan.
Parte dahuluk nian Rona Maromak nia liafuan: 1 Tim 1:1-2, iha ne’ebé S. Paulo konvida Timóteo hodi dehan; Paulo, Kristu Jesus nia apóstolu tuir ukun-fuan husi Maromak ita-nia Salvadór no husi Kristu Jezús ita-nia esperansa, ba Timóteo, ha’u-nia oan loos iha fiar: Grasa, mizerikórdia no dame husi Aman no Kristu Jesus ita-nia Na’i.
Parte daruak nian : Konvida fali ita atu : Hela nafatin iha Liafuan, iha ne’eb’e sublinha fali Maromak nia liafuan liga ho dokumentu Amu Papa Bento XVI nian ne’ebé koalia konaba Esperansa.
Parte datoluk : naroman husi liafuan ne’ebe kontinua ispira moris liu husi aman DB ba nia oan-mane no oan-feto ida-idak atu moris iha uniaun ho Jezús iha Eukaristia no iha devosaun ba Maria Auxiliadora. Ai-riin rua ne’e reprezenta fundasaun sólidu ne’ebé fó kbiit atu moris vokasaun no misaun iha mundu loron-loron. Madre Mazzarello dala barak rekomenda ba nia irmán sira: «Moris iha uniaun íntima ho Jezús, serbisu de’it atu halo kontente nia» (L 22).
Patre dahaat: Reza ho liafuan.
Parte ikus nian: Hamutuk ho Maria Moris tuir Liafuan
Depois lectio fahe ba grupu hodi fahe reflesaun tuir pergunta ne’ebé iha. pergunta ne’ebé iha, oinsá ha’u tau ha’u nia esperansa? Foinsa’e hotu dehan kaatak Maromak mak sira nia esperansa. Ida ne’e sai hanesan momentu oportunu atu foinsa’e sira hatene no komprende katak sasan sira mundu ne’e nia valor laiha, tanba la garantia ba moris, “Na’I deit mak esperansa Moris nian no Nain feto mak modelu loloos esperansa nian” ne’ebé buka atu banati tuir nia virtude sira iha moris loro-loron nian.
Sr. Honoria dos Santos,FMA
