RV – Papa Francisco iha katekeze, kuarta, 21, iha Vaticano kontinua ko’alia kona-ba esperansa, kona-ba momentu esperansa tama iha mundu ho Maromak nia Oan-Mane nia inkarnasaun.
Bainhira ko’alia kona-ba esperansa ema hanoin katan esperansa mak buat ruma la haree. Maibé ho Kristu nia Natál, esperansa sai vizivel no komprensivel.
“Nia tama iha mundu no haraik forsa mai ita atu la’o ho Nia, iha Jezús ba moris nakonu. Ba sarani ida, esperansa signifika serteza katak la’o ho Kristu ba Aman, ne’ebé hein ita. Esperansa ne’e, ne’ebé Kosok-Oan Jezús loro mai, oferese meta ida, destinu di’ak ida ba prezente: umanidade nian salvasaun no rahun-di’ak sira ba ema ne’ebé entrega an ba Maromak mizerikordiozu. Hanesan S. Paulo halo rezumu: ‘Iha esperansa ita hetan salvasaun’”.
Amu-Papa Francisco konvida sarani sira atu husu ba sira-nia an se sira la’o iha esperansa eh se sira moris iha vida ne’ebé para hela, taka an. Husi ne’e, Amu-Papa ko’alia ba sarani sira kona-ba tradisaun prepara prezépiu iha uma no ho ninia protagonista balun, hahú ho senáriu: Belém.
“Aldeia ki’ik-oan ida iha Judeia, Belém la’ós kapitál ida tanba ne’e, mak providénsia divina prefere, Nia ne’ebé hadomi atua liuhusi ki’ik-oan no haraik-an sira. Jezús moris iha fatin iha-ne’ebé Maromak no ema nia esperansa hasoru malu”.
Maria no José, ne’ebé fiar
Depois, Papa Francisco konvida atu hateke ba Maria, Inan esperansa nian, ne’ebé ho ninia “sin” loke mundu nia odamatan ba Maromak. Maromak hili nia, no nia fiar iha Maromak nia liafuan. Iha ninia sorin, José, mós fiar iha anju nia liafua. Kosok-oan mori iha balada han-fatin mai husi Espíritu Santu; iha Jezús, iha esperansa ba ema hotu, tanba liuhusi oan ne’e, Maromak salva umanidade husi mate no salan.
“Tanba ne’e – Amu-Pa hatutan – importante hateke ba prezépiu. Para uitoan no hateke ba nia. Haree esperansa hirak horik iha ema sira ne’e”.
Simplisidade ne’ebé naksira iha prezépiu
Iha prezépiu, AmuPapa saleinta, ita haree bibi-atan sira, ne’ebé reprezenta ema haraik-an no kiak sira, ne’ebé haree iha Kosok-Oan ne’e realizasaun ba promesa sira Maromak nia salvasaun nian, ba sira ida-idka.
“Ema ne’ebé konfia iha seguransa rasik, prinsipalmente material sira, la hein Maromak nia salvasaun. Ema ki’ik sira fali, hein iha Nia no haksolok bainhira rekoñese iha Kosok-Oan ne’e sinál ne’ebé anju sira hatusu”.
Presizamente, anju sira nia knanauk – Papa Francisco kompleta – haklaken, husi leten, planu boot ne’ebé Kosok-Oan ne’e sei realiza: ‘Glória ba Maromak iha lelten aas bá no dame iha rai ba ema sira ne’ebé Nia hadomi’. Esperansa sarani esprime iha hahí no agradesimentu ba Maromak, ne’ebé inaugural Reinu domin nian, justisa nian no dame nian. “Sin ida-idak ba Jezús ne’ebé mai mak fini ida esperansa nian. Natál di’ak esperansa nian ba ita hotu!”.
