Fuiloro, loron 28/05/2023, ho Ksolok boot Komunidade Beata Madalena Morano Fuiloro realiza Kampu MM nian ho Antiga Aluna sira, ADMA, Estudante Agrícola no menina Asrama Morano. Tuku 8:00, Hahú ho rejistrasaun, merenda. Liafuan Bemvinda husi Diretora Ir. Ermelinda Gomes, FMA. Ba asembleia hodi reza hamutuk orasaun ne’ebé prepara husi Ir. Maria Brígida. Iha asembleia fahe ba grupu Mazzarelli, grupu Valponasca, Parokia, BorgoAlto, Uma Imaculada no Kolegiu. Iha kada grupu sei la’o haleu Fatin ida-idak hodi konhese MM nia dalan moris nian. Intensaun husi realiza Kampu MM nian ida ne’e atu halibur fali Antiga Aluna sira hodi halo sira konese malu diak, liu-liu haburas Espiritu familia nian hanesan MM ho Irmán dahuluk sira halo iha Mornese. Depois de han meudia, Tuku 2:00, kada grupu prepara tuir kreatividade buat ne’ebé sira rasik halo esperiensa, hafoin iha asembleia grupu ida-idak apresenta rezultadu husi buat ne’ebé sira rona. Ikus taka ho Misa solenidade Espiritu Santu nian, foto hamutuk obrigada ba hotu, adeus e boa viagem.
