Irmán doben no formande sira hotu.
Aleluia!Kristu Moris Hias ona! Ida ne’e mak loron ne’ebé Na’i halo ona mai ita ksolok . Paskua la’os de’it selebrasaun no rate mamuk ida: maibe ida ne’e mak vitoria moris nian hasoru mate, domin nian hasoru tauk, esperansa hasoru dezesperu. Jezús moris hias mai ita ida-idak, hanesan Nia ba hasoru Maria Madalena iha jardin, no dixipulu sira iha dalan Emaús no ba Apostolo sira ne’ebé taka metin iha tauk laran. Nia mai ho laran diak, ho domin no dehan: “keta tauk dame hela ho imi.”
Iha tempu Paskua ida ne’e ha’u konvida ita ida-idak atu husik Kristu Nia moris hias hamoris fali ita nia ksolok no hafoun ita nia “Sim”.
Husik Nia hasai fatuk sira iha ita nia fuan: fatuk sira duvida nian, dezenkorajamentu nian, kolen nian ka rutina nian. Husik Nia tama iha kuartu taka sira nia klamar no dada iis ho Espiritu Santo iha ita nia tauk Sira.
Husik Nia la’o iha ita nia sorin, mak bainhira ita la rekoinese Nia no halakan fali ita nia fuan ho Ninia Liafuan no prezensa. Nu’udar feto iha formasaun no iha vida konsagrada ita simu bolun atu sai sasin moris hias nian. Ida ne’e signifika Moris ho ksolok ne’ebé nabilan, ho esperansa ne’ebé koalia maka’as liu fali liafuan no ho aten brani ne’ebé suli tamba hatene katak Jezús moris no la’o hamutuk ho Ita.
Atu Paskua ita ne’e sai tempu ida moris hias interior nian ba ita ida-idak, tempu ida atu deskobre fila fali ita nia bolun nia furak, ita nia komunidade nia laran manas ne’ebé Na’i konfia mai ita: sai naroman, apoiu malu ho laran diak, domin moris ba ema seluk. Mai ita hamrik hamutuk ho Kristu no tulun ema seluk mós hamrik.
Dezeja ba imi ida-idak tempu Páskua nian ne’ebé nakonu ho grasa no Ksolok!
Sr. Cherly Marlina, FMA
