MENSAGEM PÁSCOA DOM VIRGÍLIO CARDEAL DO CARMO DA SILVA SDB.
Dili, 04-04-2023
Maun Alin, Inan Feton sira, Ita hakbesik dadaun ba Tridum Pascoa nian. Quinta Feira Santa, Sexta Feira Santa no Sábado Santo.
Iha Quinta Feira Santa, Jesus Fo mai ita Eucaristía, Nia husik hela exemplo ida serviço nian, servi malu. Iha to’os Oliveira Jesus experiência mate, tauk tebes tamba nia tenki hasoru terus hotu nebe sei mai iha oin maske nune Nia la lakon Nia confiansa ba iha Nia Aman. Iha Domingo Ressurreição, Nia moris hias fali no mosu ba escolante sira dehan : DAME HELA HO IMI!
Maun alin, bin feton sira, ida ne laos meramente evento histórico ida, maibe buat ida nebe iha nia sentido klean liu fali be ida ita hare ho matan; ida ne kona ba ita ema nia drama, ida ne drama moris nian.
Iha tinan tolu liu ba mundo “Silencio” ho Covid-19 no experiencia nebe ita hotu atu lakohi atu repete; wainhira movimiento hahu atu lao diak oituan oan ho drama Ucrania nian nebe dada tinan ida resin ona continua hanaruk povo ida ne nia terus no ita la hatene se to bainhira; situação ne lori economia mundo hakdasak no too ohin loron ita seidauk hatene saida maka sei mosu iha loron aban; situação lori Timor mos sente no afeta ita nia moris sócio, economia no política rai laran. Tanba ita mos depende ba Nação sira seluk; realidade nebe loron ba loron laos fácil halo ema barak preocupa ho loron aban nian.Buka moris diak, mak obriga Timor oan foin sae tenke husik hela Família no rain.
Dalan ida atu haforca mp hadia liu tan povo nia morís liu husi Eleicão parlamentar povo sei fo fiar ba partido político sira nebe iha duni capacidade no autoridade atu gere rai me nia riki soinba povo ne nia diak. Ida ne maka realidade ita nian nebe ita sasin loron-loron; dalabarak ita contente no dalabarak mos ita dada i’is. Ida ne laos deit desafio maibe oportunidade ida mai ita atu hakat ba oin neneik, bebeik, maibe metin no lolos. Ira hatene katak hanesan Jesus, ema barak nebe hetan traição eh ema hatuun, ita balun mos dalaruma sente buat hirak ne; ita mos Hatene Ita idak-idak iha ita nia susar iha ita nia moris maske ita la hatudu; Maromak nebe hola isin ita ema nian iha Jesus Cristo fo hanoin mainita katak ita laos mesak.
Maromak ne fiel mo Maromak nunka sei abandona ita.
Tan ne maluk doben sira, iha momento Páscoa nian, mai tau ita nia atenção tomak iha Cristo nebe ho ita mo nia nebe promete, Hau sei hela nafatin ho imi to’o tempo ne nia rohan. Ita mos tau ita nia atenção tomak iha esperança, la importa desafío saida deit maka sei mai. Maromak iha neba no nia bolu ita atu mos fo hanoin ba malu no ba ema hotu : MENSAGEM ESPERANÇA nian.
HO ESPÍRITO NE’E ATAN HAU HAKARAK HATO’O HAU NIA BOAS FESTAS PÁSCOA BA SARANI DOBEN SIRA HOTU; JESUS MORIS HIAS NIA DAME HORIK HO IMI.
Mai ita hotu contribuí ba dame iha momento especial no histórico ita nia Nação nian.
Boas Festas da Páscoa!
Fonte: Media Arquidiocese Metropolitana de Dili
