“Husi rate mamuk iha Jeruzalén mosu anúnsiu ne’ebé nunka rona: Jezús, Krusifikadu, «la iha ne’e, maibé moris-hi’as ona» (Lc 24,6). Nia la iha rate, nia moris! Domin manán ona ódiu. Naroman manán ona nakukun. Lia-loos manán ona lia-bosok. Perdaun manan ona vingansa. Aat seidauk lakon husi ita-nia istória, nia sei hela to’o rohan, maibé nia la iha ona domíniu, nia la iha ona kbiit ba sira ne’ebé simu grasa loron ida-ne’e nian”.
Jezús nia moris-hi’as mak fundamentu esperansa nian: hahú husi akontesimentu ne’e, esperansa la’ós ona iluzaun ida. Lae. Ita dehan Obrigado ba Kristu ne’ebé hetan kruzifikasaun no moris-hi’as, esperansa la dezanima! Esperansa la lakon! (kf. Rom 5:5).
Papa apela ba ema hotu iha mundu ne’ebé iha responsabilidade polítika atu labele rende ba lójika tauk nian ne’ebé taka, maibé uza rekursu ne’ebé iha hodi tulun ema ne’ebé presiza, kombate hamlaha no promove inisiativa sira ne’ebé promove dezenvolvimentu. Ne’e mak “kilat” dame nian: sira ne’ebé harii futuru, envezde kuda mate!
File iha portugues: https://www.fmatin.org/wpn/download-category/dokumentu-amu-papa/
Youtube: https://youtu.be/Y0dOy7KPndI?feature=shared
Copywrite foto: https://www.quotidiano.net/cronaca/messa-pasqua-san-pietro-xf2tckym
Tradusaun husi Vatican Va: https://www.vatican.va/…/20250420-urbi-et-orbi-pasqua.html
