Iha loron 24 Janeiru 2021, Domingu Maromak nia Liafuan nian, no festa mós Padroeiru jornalista sira-nian, S. Francisco de Sales, Padre Eligio Locatelli SDB no Irmán FMA na’in tolu, Ir Josefa Biavida, Ir Lucia Pereira no Ir Maria Bernardina ba dala uluk sira ba Uaimori atu hahú misuan iha periferia. Fatin ne’e hola parte ba Vemassse, dook husi sentru, fatin istóriku ba luta independénsia Timor-Leste nian.
Padre Locatelli (italianu), Don Bosco nia oan laran-manas liu, misionáriu tinan limanulu resin ona iha Timor, maski ho saude ne’ebé konsumadu ba beibeik no otas ne’ebé boot, nia laran-manas nafatin boot no laiha ema ida tanesan, konvida FMA sira atu serbisu hamutuk ba Maromak nia oan sira ne’e, fulan ida dala ida. Ida-ne’e tanba nia hanoin ba formasaun sarani, ba katekeze baze nian hodi prepara labarik, adolexente no família baralakeadu sira ba sakramentu sira: Batizmu, Krisma, Komuñaun no Kazamentu.
Nune’e, Irmán sira fahe malu knaar: Ir. Maria Bernadina halibur labarik na’in 40 ne’ebé sei prepara an ba Primeira Komuñaun; Iir. Lucia halibur ki’ik oan sira ne’ebe sei jentiu hamutuk na’in 30 no Ir Josefa halibur barleiadu sira kuaze pársanulu.
Hotu tiha, iha Santa Misa selebra husi pe. Locatelli. Aleinde iha Uaimori, sira bá mós knua naran Kau-Ua’a , ba Missa. Buat ne’ebé halo uitoan hamnasa mak sarani sira, tan entuziazmu no ksolok, iha knananuk entrada msira hananu “Viva Don Bosco”.
Depoizde loron nakonu ida kari Maromak nia Liafuan iha rai periferia ida-ne’e, Padre Locatelli no Irmán sira fila bá fatin iha tuku 3.30 loraik.
(Lucia Pereira FMA-Redasaun FMATIN)
