Maun no biin-alin sira, bondia!
Aikanoik iha Evanjellu domingu ne’e nian (kf Lc 16,1-13) iha nu’udar protagonista administradór espertu ida no onestu ne’ebé, tanba hetan akuzasaun hamohu ninia patraun ninia rikusoin sira, atu hasai ona nia husi serbisu. Iha situasaun difisil ida-ne’e, nia defende an, la buka justifikasaun sira no la deksorajen mós, maibé buka dalan ida sai nian atu bele asegura futuru ida hakmatek nian. Uluknanai nia reaje ho konxiénsia, hodi rekoñese ninia limitasaun sira: «Fila rai ha’u la iha forsa; husu ezmola ha’u moe» (v. 3); hafoin ho estratajema, hodi na’ok ba dala ikus ninia patraun. Defaktu, nia bolu devedór sira no hatún sira-nia tusan ba ninia patraun, atu halo sira sai nia belun no ikusmai sira fó rekompensa ba nia. Ida-ne’e signifika halo belun ho korrupsaun no hetan agradesimentu ho korrupsaun, hanesan, infelizmente sai toman ida ohin-loron.
Jezús aprezenta ezemplu ida-ne’e la’ós atu insentiva dezonestidade, maibé ba astúsia (espertu). Nia subliña: «Patraun hahí administradór dezonestu ne’e, basá nia hatene atua ho espertu» (v. 8), katak kahur intelijénsia no astúsia, ne’ebé halo ema supera situasaun difisil sira. Xave leitura ba istória ne’e ita hetan iha aikanoik nia rohan ho Jezús nia konvite: «Imi habelun ho rikusoin dezonestu, basá, bainhira nia kuran, sira sei simu imi iha horik-fatin rohan-laek» (v. 9). Parese konfuzaun uioan, maibé lae: “rikusoin dezinestu” mak osan – haktuir mós nu’udar “diabu nia te” – no enjerál soin materiál sira.
Rikusoin bele dudu atu hari’i muru, kria divizaun no diskriminasaun. Jezús fali, konvida nia dixípulu sira atu muda diresaun: “Imi habelun an ho rikusoin”. Ida-ne’e konvite ida atu hatene nakfilak soin no rikusoin iha relaionamentu sira, basá ema vale liu sasán sira no konta liu sikusoin ne’ebé ema ida iha. Iha moris, defaktu, la’ó dia ne’ebé iha rikusoin barak mak fó fuan, maibé ida-ne’ebé kria no halo nialigasaun sira moris nafatin, iha relasionamentu barak, amizade barak liuhusi “rikusoin” oioin, katak don oioin Maromak haraik ba nia. Maibé Jezús hatudu mós finalidade ikus ninia ezortasaun nian: “Imi habelun ho rikusoin, atu sira simu imi iha horik-fatin rohan-laek. Sira simu it aiha Lalehan se ita iha kapasidade atu nakfilak rikusoin sira iha instrumentu fraternidade no solidariedade nian, la’ós de’it Maromak, maibé mós ema sira ne’ebé ita partilla ho sira, hodi administra didi’ak, buat ne’ebé Maromak tau iha ita-nia liman.
Maun no biin-alin sira, pájina evanjélika ida-ne’e hamosu iha ita pergunta adiministradór dezonestu nian, ne’ebé patraun duni sai: «Saida ma koras-ne’e ha’u seil halo?» (v. 3). Iha ita-nia imperfeisaun nia oin, ita-nia frakeza sira, Jezús asegura ita katak ita iha nafatin tempu atu kura hahalok aat ho hahalok di’ak. Ema ne’ebé halo ema seluk tanis, halo ema seluk haksolok; ema ne’ebé foti ema seluk nia sasán ho modu laloos, fó ba ema ne’ebé presiza. Hodi halo nune’e, Na’I sei hahí ita “basá ita atua ho astúsia” (espertu), katak ho sabedouria Maromak nia oan nian no kompromete an ba Reinu lalehan.
Atu Virjen Santa tulun ita sai ema espertu atu asegura ba an raisk la’ós susesun mundu nian, maibé moris rohan-laek, atu iha momentu juizu finál ema kiak sira ne’eb’e ita tulun bele fó sasin katak iha sira ita haree no serví Na’i.
