La’ós ona Papa Fransisku maibé nia papa-móvel, ida ne’ebé uza iha fulan-Setembru liubá hodi halo jira iha dalan sira Díli nian. Nune’e mak kapitál Timor-Leste hakarak atu hanoin hikas no fó omenajen ba saudozu Papa. Misa impresionante ida ho ema rihun atus resin, antesipadu hosi viajen papa-móvel nian ne’ebé transporta ai-funan sira no foto sira hosi Papa Fransisku ba altár Tasi-tolu nian, palku ida ne’ebe hari’i hosi liturjia papal durante viajen apostóliku fulan-Setembru tinan 2024 nian. 
Selebrasaun Eukarístika hala’o iha lorokraik iha Dili, iha tempu hanesan ho selebrasaun funerál solene iha Prasa São Pedro. Antes ne’e, prosisaun ne’ebé loke hosi papa-móvel atravesa ona durante dader fatin institusional sira sidade nian – hosi palásiu prezidensial to’o nunsiatura apostólika – no fatin sira ne’ebé iha ligasaun ho fiar ema timoroan sira nian, hanesan estátua Virjen Maria nian iha Lesidere hosi ne’eba mak hahú prosisaun. Ema barak mak partisipa, informa hosi media lokál, espontaneamente hamutuk ho prosisaun, enkuantu ema barak husi labarik to’o fali ferik katuas sira hamriik iha estrada ninin hodi kaer lilin no rozáriu hodi reza no kanta knananuk relijiozu sira.
Ministru Administrasaun Estatal Senhor Tomas Cabral hateten: “Ami mai atu selebra Amu-Papa nia despedida ikus nian, tanba ida-ne’e mak fatin ne’ebé Amu-Papa Francisco para no haraik bensaun mai ami.”
Fonte: Tradusaun husi :https://www.vaticannews.va/it/papa/news/2025-04/timor-est-grande-folla-e-commozione-alla-messa-per-francesco.html
