Dili – Iha loron 23 Marsu tuku 4.00 lokraik padre Elias de Deus, SDB mai prega rekoleksi ba ami menina sira iha Divina providensia. Laos ami mesak maibe antiga alunas sira balun mos mai tuir retiru. Testu Evanjellu neebe padre usa atu fo konferensia mak Luk. 15:1-4,11-32. Molok atu lee Maromak Futar Lia, ami hahu ho orasaun.
Oan neebe soe hela uma, ida nee hatudu karater deit . Ida nee hatudu katak ida-idak deside atu ba ou hela. Padre refere ba ita-ida-idak se hakarak atu deside ba Aman sei halo festa boot ida ba ita, se karik hakarak sai foer aat liu fali fahi, signifika katak halo ita halon ita nia dignidade.
Aman laran laran sadia, se kompara ho aman sira iha Timor karik oan nee fila fali, sei hirus makaas no sei lasimu, kompara ho Aman nia domin rohan laek. Laiha uma ida neebe diak liu fali ita nia uma rasik, laiha fatin ida neebe diak liu fatin Lalehan. Se lao dook husi Maromak lakon domin no lakon dignidade.
Adaõ ho Eva halo sala tanba samea mak babeur maibe tempu agora samea barak mak hanesan: Internet →face book, WP, sala sambung no mos ho kolega sira neebe besik ita. Molok atu remata padre hateten, rekoleksi mak tempu grasa neebe Maromak fo. Nunee semak hakarak hetan grasa ba halo konfisaun didiak. Depois padre nia koalia fo tempu mai ami reflte hafoin taka ho konfisaun. Ami hotu kontenti tanba hetan opotunidade atu preparaan ba festa paskoa.
(Águeda Sarmento)
