Venilale – Iha Sesta loraik, 29 Outubru 2021, ami Irmán, formande no labarik orfaun sira iha komunidade Maria Auxiliadora haksolok tebes tanba Divina Providensia mai vizita ami, liu husi Don Bosco nia liman ain sira: Padre Gui do Carmo SDB ho nia membro sira husi Salesian Media Center-Comoro, ne̛ebe ho sira nia domin no sakrifisiu lori mai ami ai-han balun ne̛ebe sira simu husi RISE AGAINST HUNGER, America. Molok atu entrega ai-han sira ne̛e, padre Gui nư’udar responsavel esplika razaun husi asaun karitativa ida ne̛e. Padre dehan: Misaun Salesiana mak tau mak matan ba labarik no foinsa̛e kiak no abandonadu sira maibe kongregasaun mós la taka matan ba nesesidade urjente ema vulneravel sira nian no mós desastre sira nee’be akontese. Haree ba ita nia rai, tinan kotuk hetan mós dezastre naturais neebe hamate ema barak, estraga uma no sasan sira. Wainhira rekolla ema kiak sira nee barak mak hela iha Orfanatu nokoléjiu tamba nee padre ho nia membro sira sei fahe ai-han sira nee ba deit fatin sira neebe temi ona iha leten.
Husi ami nia parte, irman Olga FMA nuudar diretora komunidade, agradese wain ba providensia neebe oferese no promote atu reza ba sira nia viajen neebe sei kontinua ba Viqueque.
Padre Gui mós lori ajudu ba komunidade Madre Mazzarello, ne’ebé iha mós menia sira ne’ebé estuda iha ETV Madre Mazzarello.
Obrigada barak padre Gui no membro sira husi Salesian Media Center, Comoro.
(FMA Venilale)
