Dili – Natal sura loron ruma de’it. Ohin “Oratorianu FMA Balide” hetan oportunidade hasoru Arsebispu, Dom Virgilio do Carmo da Silva, SDB hodi kumprimenta Boas Festas Natal no Feliz Ano Novo 2021. Buat hotu ne’e, oratorianu sira hato’o liuhusi kanta, dansa no drama iha loron 23 Dezembru 2020, iha Lecidere.Iha nia liafuan badak, Arsebispu hahu ho dialogu hodi husu ba oratorianu sira: “Iha fatin oratoriu ho Madre sira, imi halo saida?” Nune’e, oratorianu ida-idak hatan ho livre no ksolok apresenta buat hotu ne’ebé sira halo no hetan iha fatin oratoriu.
Arsebispu fo mensajem atu oratorianu ida-idak aproveita didiak buat ne’ebé sira aprende. Tanba iha liur ne’eba sei barak labarik no foin-sa’e sira ne’ebé la hetan oportunidade hanesan sira, bele halimar, hakilar, aprende no haksolok maibé la halo sala hanesan Don Bosco nia oan sira.
Arsebispu hodi dehan : “Obrigada ba imi nia presenza no ksolok ne’ebé fahe maski udan, kontinua fahe imi nia ksolok Natal ne’e nian ba ema seluk.”
Obrigada barak ba Arsebispu, nia tempu ne’ebé fahe mai ami.
Post Lestari
N L Daeli
