Cassa, 15-07-2022, Irman sira husi komunidade Madre Rosetta Marchese, halo peregrinasaun iha Paroquia Ave Maria – Suai. Haksolok ho loron ohin tanba komunidade bele realiza peregrinasaun ba preparasaun tinan 150 fundasaun Instituto nian.
Peregrinasaun mak sinal ida dixipulo nian ida iha mundo ne’e, ne’ebe nafatin sai parte importante tebes iha vida kristaun. Ami hahu orasaun iha komunidade, no kontinua orasaun iha viajen. To’o iha Suai furak atu rona no hanoin hikas fali nai lulik no sarani sira ne’ebe sai mártir iha tinan 1999, ne’ebe haktuir husi Ir. Maria Carvalho, diretora komunidade Canossiana. Hatudu oinsa amululik martiriu sira nia fidelidade ba Maromak boot tebes, no la husik mesak povu ne’ebe’ sira servi. Fini fiar sarani nian moris duni, iha povu nia leet.
Hafoin ami kontinua orasaun peregrino sira nian iha Igreja, ne’ebe’ furak tebes. Historia martiriu sira nian iha igreja Ave Maria – Suai, no ambiente ne’ebe’ hakmatek no silensiu, tulun ami tama klean iha orasaun peregrina nian, fo hanoin viajen ka lao dalan ne’ebe Instituto esperensia iha tinan 150 nia laran. Instituto nia ezistensia kontinua buras iha rai ne’e tanba Na’i nia planu no Maria ne’ebe kontinua lao hamutuk. Iha pereginasaun ne’e halo ami agradese tebes ba fidelidade no karizma ne’ebe kontinua sai prezente ba foinsa’e no labarik sira. Ami agradese tebes, ba Maromak ba Nia domin no kmanek Fidelidade nian ne’e Nia bolu no hakonu iha Madre Mazzarello no irman dahuluk sira iha Mornese…. no agradese tebes ba FMA hotu husi jerasaun ba jerasaun ho sira nia ksolok fidelidade, no sakrifisiu moris nian, ne’ebe’ halo buras no hatutan fafurak Instituto too ita nia tempu.
Nune’e fo korajen no hafoun ami nia komunidade nia la’o dalan, hodi harí Mornese kiik iha moris loro-loron iha rai misaun- Cassa.
(kom. Madre Rosetta Marchese)
