Dili – Atu selebra festa Arkidioseze Dili nian ba dala 80, Diocese Dili prepara atividade oin-oin ba sarani sira atu haburas liutan sarani sira nia fiar, no mos atu selebra festa ne’e sai furak liutan, mak kreda oferese ba sarani sira esperiensia fiar nian, iha parte spiritual nian, iha ne’e kreda oferese oportunidade ba sarani sira atu bele ba halo peregrinasaun iha fatin oin-oin ne’ebé determina ona nune’e bele manan Indulgensia.
Tan ne’e ohin 25 de Outubro komunidade hamutuk ho menina sira, desidi hala’o peregrinasaun hamutuk atu bele manan indulgensia, fatin ne’ebe ami hili mak Paroquia Balide. Iha fatin ne’e ami hetan oportunidade diak tamba Amu Pároku Venislawa Tomasio Pr. Simu ami atu halo konfisaun I depois kontinua kedas ho Eukaristia Santa. Ikus liu ami agradese ba amu nia disponibilidade hotu, no ami sei husu Maromak nia bensaun ba amu nia intensaun hotu.
(Domingas Pereira FMA)
