Laura Lola Pompeia
Comoro/Dili, 03-06-2023
Loron ne’e realiza enkontru juniores ba da-tolu iha nivel Inspetoria nian ho prezensa irman juniores nain 16.
Enkontru hahu ho orasaun abertura nian hodi reflete kona ba multiplikasaun “ paun no ikan” husi Evanjellu S. Markus. Husi pasajem ne’e husu atu irman ida-idak reflete ba sira nia realidade; saida mak sira bele kontribui ba misaun lor-loron nian. Irman Alma,FMA konvinda irman sira atu asimila Evanjellu ne’e ho moris konkretu ne’ebe sira ida-idak hasoru.
Loron da-ruak enkontru nian, hahu ho lectio “ imi iha paun fuan hira? Ba, hare ba!” ( Mk 6,38), hafoin reflesaun pessoal no kontinua sharing iha grupu no ikus konklui iha asembleia hamutuk ho ir. Alma hodi halo empeñu ba lectio ne’ebe hala’o ohin : “ Ha’u haruka imi ba atu fo fuan”.
Ho formasaun kontinua ne’ebe Inspetoria oferese, tulun irman sira atu konsiente nafatin katak Ida ne’ebe “bolu no haruka” nunka atu husik ita la’o mesak no aproveita okasiaun hotu ne’ebe posivel atu fo fuan wa’in hodi hateke ba Maria ne’ebe sai nafatin tulun na’in no modelo ba FMA ida-idak.
Boa kontinuasaun iha jornada moris nian.
