“Hau klamar hahi Nai Nia Fidelidade no Domin”
Comoro (Dili), 05 Agosto 2023
Domingas da Silva FMA
Selebra Aniversáriu Institutu nia moris mak sai loron domin nian ba FMA sira hotu. Okaziaun ida ne’e FMA sira iha Inspetoria TIN haksolok tebes selebra irman sira ne’ebé kontinua saran-an tomak ba Na’i husi Kongregasaun Salesiana; Ir.Sebastiana da Costa Soares FMA selebra tinan 25 nu’udar konsagrada no Ir. Domingas Pereira, Ir. Fatima Martins hatan sira nia SIN ba Na’i ba nafatin (votus Perpetua).
Selebrasaun Solene selebra iha Parokia Maria Auxiliadora-Comoro; Partisipa husi iraman nain 3 nia familia, FMA sira, Kandidata sira, foinsa’e sira no Kongregasaun Relijiozo/a sira ne’ebé ho laran luak hatan baa mi nia konvite hodi mai partisipa iha selebrasaun ida ne’e.
Selebrante ba Misa solene mak Don Virgilio do Carmo da Silva Cardeal; iha homilia Amo dehan: “Imi hela iha Hau nia domin ba” mak Jezus nia Liafuan rasik no Jezus rasik halo buat hotu atu fo ksolok nafatin ba Aman Maromak. Iha moris konsagrada ita buka halo buat hotu ne’ebé Jezus dehan iha moris lor-loron nian no buka konsiente liutan konvite ida ne’e liu-liu Selebra Eukaristia; Iha ne’ebá mak Maromak mai horik hoi ta. Ohin ita haksolok hodi hodi partisipa iha irman sira nia votus Perpetua katak iha sira nia hatan, sira nia saran-an, sira jenerosidade no sira nia disponibilidade ba Maromak nia Domin maibé hakas-an 
moris nafatin hanesan imi nia moto ne’ebé dehan “imi iha dezeju atu hela nafatin iha Nia Domin”. Nune’e buka hela nafatin iha Nai nia Domin ho moris ne’ebé koerente no dedikasaun total tuir tuir Fundador sira nia hanorin”.
Depois de Misa kontinua Festa ho almosu hamutuk, fahe ksolok hamutuk liu husi aprezentasaun sira.
Molok remata Festa Ir. Alma Castagna-Provinsial FMA TIN taka ho nia mensajen “furak ita selebra tinan 25 nu’udar Konsagrada, ita haksolok maski nafatin hasoru dezafiu sira tanba ita nia ahi oan lakan nafatin. Ohin irman Sebastiana mak selebra maibé ninia fekundidade ba fali responsabilidade ba fali irman nain rua ne’ebé ohin perpetua atu nune’e to’o tempu ita mos selebra fali sira nia bodas de prata. Obrigada ba imi hotu nia partisipasaun no ita reza nafatin ba sira.
PARABENS BA ITA HOTU.
